ەكى قولعا ءبىر كۇرەك ىزدەۋشىلەر قاتارى قالىڭ.
OLX.kz ونلاين-جارناما سەرۆيسى ساراپشىلارىنىڭ ەلىمىزدىڭ ەڭبەك نارىعىنا جۇرگىزگەن باعالاۋىنا سايكەس، ساۋالناماعا قاتىسقان قازاقستاندىقتاردىڭ 33 پايىزى وسى جىلى جۇمىس ىزدەگەنىن اتاپ وتكەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ىشىندە 60 پايىزى ءالى كۇنگە جۇمىس ىزدەپ ءجۇر. ونىڭ 35 پايىزى قازىرگى ۋاقىتتا كەز كەلگەن جۇمىستى ىستەۋگە دايىن.
رەسپوندەنتتەردىڭ باسىم بولىگى (38 پايىزى) ايىنا 500 مىڭ تەڭگە جالاقى العىسى كەلسە، 8 پايىزى 100 مىڭ تەڭگەگە دە قاناعات تۇتپاق.
جوعارىدا اتالعان سەرۆيس مالىمەتىنشە، وتكەن جىلدىڭ وسىنداي كەزەڭىمەن سالىستىرعاندا جۇمىس ىزدەپ، سۇرانىم جولداعانداردىڭ سانى 20 پايىزعا ارتقان.
جۇمىس بەرۋشىلەر تاراپىنان كوپ ۇسىنىلاتىن 5 ماماندىقتىڭ ىشىندە جۇرگىزۋشىلەرگە سۇرانىس جوعارى. ەلىمىز بويىنشا ورتاشا ايلىق جالاقى – 200 مىڭ تەڭگە.
ودان كەيىنگى ورىندا تۇرعان ساتۋشىلارعا 140 مىڭ، اسپازعا 150 مىڭ، ءۇي-جاي تازالاۋشىلارعا 110 مىڭ، ساتۋشى-كەڭەسشىگە 130 مىڭ تولەنەدى.
جىل باسىنان بەرى جۇمىس ىزدەۋشىلەر اراسىندا «جۇرگىزۋشى»، «جۇكشى»، «بالا كۇتۋشى»، «داياشى» سىندى ماماندىقتار بارىنشا تانىمال بولىپ وتىر.
ايتا كەتەرلىگى، ەلىمىز بويىنشا ساۋالناماعا 7 مىڭ رەسپوندەنت قاتىسقان.