قازاقستاننىڭ اۆياسيالىق اكىمشىلىگىنىڭ قورىتىندى ەسەبىندە ەلىمىزدە قانشا اۋەكومپانيا جانە ۇشاق بار ەكەنى بەلگىلى بولدى.
بۇگىندە قازاقستاندا جەتى اۋەكومپانيا بار، مەملەكەتتىك تىزىلىمدە 912 اۋەكەمەسى بار، 75 كەمە تۇراقتى جولاۋشىلار رەيستەرىن جۇزەگە اسىرادى، دەپ حابارلايدى Almaty-akshamy.kz Elorda.info-عا سىلتەمە جاساپ.
قازاقستاننىڭ اۆياسيالىق اكىمشىلىگى (قاك) ازاماتتىق اۆياسيانىڭ ۇشۋ قاۋىپسىزدىگىن تەحنيكالىق باقىلاۋعا جانە قاداعالاۋعا جاۋاپ بەرەتىن تاۋەلسىز اگەنتتىك رەتىندەگى ءۇش جىلدىق جۇمىسىنىڭ قورىتىندىلارىن شىعارادى. ق ر مەملەكەتتىك تىزىلىمىندە 912 اۋەكەمەسى بار، 75 كەمە تۇراقتى جولاۋشىلار رەيستەرىن جۇزەگە اسىرادى. Air Astana ەڭ ءىرى اۋە پاركى، ال ەڭ جاس كەمەسى بار ەڭ جاس اۋەكومپانيا Qazaq Air. قازاقستاندىق تاسىمالداۋشىلاردىڭ اۋەكەمەلەرى پاركىندەگى ەڭ كوپ تارالعان ۇشاق ءتۇرى - AIRBUS 320-232، ەڭ ۇلكەن ۇشاق - Boeing 767-3KY.
بۇگىندە قازاقستاندىقتار تىكەلەي رەيستەرمەن الەمنىڭ 28 ەلىنە ۇشا الادى.
«قازاقستاندا 25 اۋەجاي (18 حالىقارالىق، 7 ىشكى) جانە 6 تىكۇشاق ايلاعى جۇمىس ىستەيدى. 16 ماۋسىمدا نۇرسۇلتان نازاربايەۆ حالىقارالىق اۋەجايى World Airport Awards-تا ورتالىق ازيا/تمد-داعى ۇزدىك وڭىرلىك اۋەجاي بولىپ تانىلدى. بۇل ماراپات الەمدەگى 550-دەن استام اۋەجايلاردا كليەنتتەرگە قىزمەت كورسەتۋ مەن ىڭعايلىلىقتى باعالايتىن اۋەجاي يندۋسترياسىنداعى ەڭ بەدەلدى بولىپ سانالادى. تۇركىستان حالىقارالىق اۋەجايى - تاۋەلسىزدىك العان ساتتەن باستاپ 30 جىل ىشىندە قازاقستاندا جاڭادان سالىنعان العاشقى اۋەجاي. وسى جىلى ءۇرجار جانە ءۇشارال اۋەجايلارىن قايتا جوندەۋدەن كەيىن سەرتيفيكاتتاۋ جۇرگىزىلدى»، - دەلىنگەن حابارلامادا.