قازاقستان پرەزيدەنتى ەل تۇرعىندارىنا «ەلەكتروندى ۇكىمەت» ارقىلى كرەديت الۋ مۇمكىندىگىن بۇعاتتاپ، ودان ءوز ەركىمەن باس تارتۋعا مۇمكىندىك بەرەتىن زاڭعا قول قويدى، دەپ حابارلايدى اقوردا.
«مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپاراتتىق قاۋىپسىزدىك، اقپاراتتاندىرۋ جانە سيفرلىق اكتيۆتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، - دەپ جازىلعان حابارلامادا.
ەرىكتى باس تارتۋ تۋرالى اقپارات قارىزداردى ماقۇلداۋ كەزىندە ەسكەرىلەدى. بۇل ءۇشىنشى تۇلعالاردىڭ بانكتىك قارىزدار مەن ميكروكرەديتتەر الۋىنا جول بەرمەيدى.
بۇدان بولەك، دەربەس دەرەكتەردى قامتيتىن بازالاردىڭ مەنشىك يەلەرى مەن وپەراتورلارى ءبىر جۇمىس كۇنى ىشىندە ۋاكىلەتتى ورگانعا دەربەس دەرەكتەر قاۋىپسىزدىگىنىڭ بۇزىلعانىن حابارلاۋعا مىندەتتەلەدى.
ازاماتتار ءوزىنىڭ دەربەس دەرەكتەرى پايدالانىلعان بارلىق وپەراسيا تۋرالى جەكە كابينەتتەگى حابارلامالار نەمەسە سمس ارقىلى بىلەدى.