قازاقستاندىقتارعا ساپاسىز جول تۋرالى ءانونيمدى شاعىم ءتۇسىرۋ مۇمكىندىگى ۇسىنىلدى.
بۇل جايىندا «ادىلدىك جولى» رەسپۋبليكالىق قوعامدىق بىرلەستىگىنىڭ اتقارۋشى ديرەكتورى ديدار سماعۇلوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر پرەزيدەنتىنىڭ سىبايلاس جەمقورلىقپەن كۇرەس باستامالارىن جۇزەگە اسىرىپ، قوعامنىڭ بەلسەندىلىگىن ارتتىرۋ ماقساتىندا سالالىق اگەنتتىكپەن بىرگە «ادىلدىكتى تالاپ ەت» اتتى رەسپۋبليكالىق اكسيانى باستادىق. ءبىز ازاماتتاردى، بۇكىل ساياسي كۇشتەردى، قوعامدىق بىرلەستىكتەردى اكسياعابەلسەندى تۇردە قوسىلۋعا جانە جولداردىڭجاعدايىن بىرگە جاقسارتۋعا شاقىرامىز»، - دەدى اگەنتتىكتىڭ قوعامدىق كەڭەس مۇشەسى.
ونىڭ ايتۋىنشا، بىرلەستىكتىڭ رەسمي سايتىنداعى مالىمەتتەردى پايدالانىپ ءار ازامات ءوز بەتىمەن جولدىڭ ساپاسىن تەكسەرە الادى.
«ءبىراق بۇل جەردە قاۋىپسىزدىك ەرەجەلەرىن ۇمىتپاۋ كەرەكتىگىن ەسكەرتەمىن. قاجەت بولسا، سايتتاعى ارنايى بايلانىس دەرەكتەرى ارقىلى ماماندارعا حابارلاسىپ، بىرگە مونيتورينگ جاساۋعا بولادى. Adildik.kz سايتىنا نەمەس «1463» call-ورتالىعىنا حابارلاسۋعا بولادى. Adildik.kz سايتىنا ساپاسىز، شۇرىق-تەسىك جولدىڭ فوتوسى مەن ۆيدەوسىن جىبەرۋگە بولادى. ءتىپتى ءاتى-جونىڭىزدى ايتپاي، قۇپيا تۇردە دە شاعىم تۇسىرە الاسىز. ەڭ باستىسى، اقاۋى بار جولدىڭ ناقتى ورنىن جازىپ، فوتو نەمەسە ۆيدەو ايعاق سالۋ قاجەت. سول فوتو، ۆيدەو ارقىلى مونيتورينگ اشىپ، تەكسەرۋ جۇرگىزەمىز. كەرەك بولسا، تاۋەلسىز زەرتحانا ارقىلى ءتيىستى زەرتتەۋ جاساپ، ناقتى دايىن اقپاراتتى انتيكور مەن اكىمدىكتەرگە جولدايمىز»، - دەدى ديدار سماعۇلوۆ.