قازاقستان ۇلتتىق قۇراماسىنىڭ سپورتشىلارى پاريج وليمپياداسىنا تاعى ءتورت كۆوتا جەڭىپ الدى. سوڭعى ءۇش جولداما تەننيسشىلەرگە تيەسىلى. بۇل تۋرالى وليمپيادالىق شتاب وتىرىسىندا ايتىلدى، دەپ حابارلايدى اlmaty-akshamy.kz.
حالىقارالىق تەننيس فەدەراسياسىنىڭ جاڭارتىلعان رەيتينگى بويىنشا ەلەنا رىباكينا، يۋليا پۋتينسيەۆا مەن الەكساندر بۋبليك فرانسياداعى بايراقتى باسەكەگە جولداما يەلەندى. بۇدان بولەك، ۇستەل تەننيسىنەن كيريلل گەراسيمەنكو دا وليمپياداعا بارادى. وتانداسىمىز ازيا قۇرلىعىندا جولداما الماعان سپورتشىلاردىڭ اراسىندا رەيتينگتە ەڭ جوعارعى ورىندا بولدى. وسىلايشا، قازاقستاندىق اتلەتتەر پاريجدەگى جارىسقا سپورتتىڭ 22 تۇرىنەن 71 ليسەنزيا قورجىنعا سالدى.