ەل شەكاراسىندا تاسىمالداۋشىلارعا "بيومەتريا"، ايىپپۇلدار جانە سەنىمحات ەنگىزىلەدى

"كەزەكتى مانيپۋلياسيالاۋمەن كۇرەسۋ ءۇشىن CarGoRuqsat قىزمەتىنە بيومەتريالىق جەكە سايكەستەندىرۋدى ەنگىزۋ تۋرالى شەشىم قابىلداندى. جۇيە پايدالانۋشىنىڭ تىركەلۋ كەزىندە جۇكتەپ سالعان قۇجاتتارىنداعى فوتوسۋرەتىمەن سايكەستەندىرۋ كەزىندەگى بەينەدەگى پايدالانۋشىنىڭ بەتىن سالىستىرادى. بۇل تاسىمالداۋشىلار رۇقسات ەتپەگەن جانە جەكە پايدا الۋ ماقساتىندا ەلەكتروندى كەزەكتە ورىن تاپشىلىعىن تۋعىزاتىن دەلدالداردىڭ قىزمەت اياسىن قىسقارتادى"،- دەلىنگەن اقپاراتتا.

بۇل رەتتە، كەرىسىنشە، تاسىمالداۋشىلار رۇقسات بەرگەن دەلدالدار جۇرگىزۋشىلەرمەن بىرگە اۆتوكولىك يەسىنەن نەمەسە بالانس ۇستاۋشىسىنان سيفرلىق "سەنىمحات" الا الادى.

"ياعني، كولىك قۇرالىنىڭ ءاربىر يەسى نەمەسە تەڭگەرىم ۇستاۋشىسى جۇيەگە سەنىمدى دەلدالدار تۋرالى مالىمەتتەردى ەنگىزەدى. سودان كەيىن مۇنداي دەلدالدار ءوز بەتىنشە كەزەككە تاپسىرىس بەرە الادى. وسىلايشا، دەلدالدار ينستيتۋتى قىزمەتكە تىركەلەدى، بۇل ءاربىر پايدالانۋشىنىڭ "سيفرلىق ىزدەرىن" جانە ونىڭ جۇيەدەگى ارەكەتتەرىن قاداعالاۋعا جانە تالداۋعا مۇمكىندىك بەرەدى"،- دەپ ءتۇسىندىردى مكد.

بۇل كۇدىكتى پايدالانۋشى ارەكەتىن جىلدام جانە جان-جاقتى باقىلاۋعا جانە ىقتيمال بۇزۋشىلاردى انىقتاۋعا مۇمكىندىك بەرەدى. پايدالانۋشى برونداۋدان ايىنا 10 رەتتەن ارتىق باس تارتقان نەمەسە باقىلاۋ-وتكىزۋ پۋنكتىنە كەلمەسە – جۇيە مەنشىك يەسىنىڭ نەمەسە بالانس ۇستاۋشىنىڭ شوتىنان بيۋدجەتكە 100 اەك مولشەرىندە ەرىكتى وتەماقىنى اۆتوماتتى تۇردە ەسەپتەن شىعارادى.

"تالداۋ كورسەتكەندەي، كەزەكتى تەرىس پايدالاناتىندار وتە كوپ. مىسالى، جۇيە 1،5 مىڭعا جۋىق كولىك قۇرالىن انىقتادى، ولار وتكىزۋ پۋنكتىنە كەلمەدى نەمەسە برون سوڭعى 30 كۇندە ءۇش رەتتەن ارتىق قايتارىلدى. الايدا، ازىرگە جۇمىس توبى ءبىر اي ىشىندە بروندى پايدالانباۋدىڭ 10 رەت جاعدايىنا "شەكتى" قويۋ تۋرالى شەشىم قابىلدادى. جۇيە قاداعالايدى. جانە ەگەر وسى تىزىمدە ءبىر يەلەرىنىڭ نەمەسە بالانس ۇستاۋشىلاردىڭ اۆتوكولىكتەرى بولسا، بۇل شەك تومەندەتىلىپ، تەرىس پايدالانۋشىلاردىڭ بارلىعى دەرلىك بيۋدجەتكە وتەماقى تولەۋگە جاتادى. ءقازىر بىزدە جازالاۋ مىندەتى جوق. ەندى نارىققا ەلەكتروندى جۇيە-بۇل بارلىق وپەراسيالار ايقىن كورىنەتىن جانە جاساندى تاپشىلىقتى قۇرۋدى جالعاستىراتىندارعا شارالار قابىلداناتىن ايقىن جۇيە ەكەندىگى تۋرالى بەلگى بەرۋ قاجەت. ءبىزدىڭ تۇپكى مىندەتىمىز – بەكەتتەردىڭ وتكىزۋ الەۋەتىن ءجۇز پايىزعا ىسكە اسىرۋ، بۇل ءبىزدىڭ ەلىمىزدىڭ كولىك الەۋەتىن دامىتۋعا ىقپال ەتۋى ءتيىس"، — دەپ ءتۇسىندىردى مەملەكەتتىك كىرىستەر كوميتەتى.