الماتىدا زاپاستاعى وفيسەرلەردىڭ اسكەري جيىنى وتۋدە
وقۋ-جاتتىعۋ قورعانىس مينيسترلىگىنىڭ قولداۋىمەن 61993 اسكەري ءبولىمىنىڭ ىلە وقۋ پوليگونى بازاسىندا 4 جىلدان بەرى وتكىزىلىپ كەلەدى. 100-دەن استام زاپاستاعى وفيسەر وقۋ-ادىستەمەدەن ءوتتى. 30 كۇندىك اسكەري ساباققا لەيتەنانتتاردان باستاپ مايورلارعا دەيىنگى زاپاستاعى وفيسەرلەر قاتىسادى. ولار ۇرىس كەزىندەگى جەدەل تاكتيكالىق دايارلىقتى، اكس 74، پم-9 تاپانشاسىنان نىساناعا كوزدەپ اتۋ مەن اتىس كەزىندەگى تاجىريبەلىك ساباقتاردان وتەدى. وفيسەرلەرگە ق ر قك بشب-نان قازىرگى لاۋازىمدى تۇلعالار ساباق جۇرگىزەدى. ولار كەلەسى جىلى دا ەرىكتى ازاماتتاردى قابىلداۋعا دايىن.
جىل سايىن جوسپارلى تۇردە وتەتىن شارادا 1 اي ىشىندە اسكەريلەر تاجىريبەلىك داعدىلارىن جەتىلدىرەدى.
«اسكەري قىزمەت جانە اسكەري قىزمەتشىلەردىڭ مارتەبەسى تۋرالى» 2012 جىلعى 16 اقپانداعى قازاقستان رەسپۋبليكاسى زاڭىنىڭ 33بابىنىڭ 1تارماقشاسىنا سايكەس اسكەرلەردىڭ ءاربىرى وفيسەرلىك جيىندار وتكىزەدى. بيىل وقۋجاتتىعۋ پوليگونىندا 36 وفيسەر قابىلدانعان. ولاردىڭ اراسىندا ەلىمىزدىڭ قارۋلى كۇشتەرىندە بۇرىن قىزمەت ەتكەن قىزمەتكەرلەر دە بار. 61 993 ءبولىمىنىڭ بازاسىندا جيىندارعا كەلگەن دەسانتتىق شابۋىلداۋ اسكەرلەرى كيىم، قارۋجاراق، ت.ب. بارلىق قاجەتتى زاتپەن قامتاماسىز ەتىلەدى. جيىن كەزىندە ولارعا جۇمىس ورىندارىنداعى جالاقى قورعانىس مينيسترلىگىنىڭ ەسەبىنەن بەرىلەدى.
ايتا كەتەتىن ءجايت، مۇنداي اسكەري جاتتى عۋ جيىندارىنا كەز كەلگەن ازامات قاتىسا الادى.
راسۋل زاكيروۆ، №61993 اسكەري ءبولىم باسشىسىنىڭ ورىنباسارى، پودپولكوۆنيك:
- زاپاستاعى وفيسەرلەردىڭ اسكەري جيىندارى ىلە وقۋ پوليگونى بازاسىندا ق ر قۇرلىقتاعى اسكەري دەسانت شابۋىلداۋشى اسكەرلەرى قولباسشىسىنىڭ بەكىتۋىمەن 25 شىلدەدەن باستالىپ، 25 تامىزعا دەيىن وتەدى. جيىندار اياقتالعاننان كەيىن ولارعا كەزەكتى اسكەري اتاق بەرىلەدى.
ماماندىقتارعا سايكەس ءاربىر اسكەري مىندەتتى وفيسەر اسكەري بەيىننىڭ نەگىزگى پاندەرى بويىنشا قاجەتتى ءبىلىم مەن تاجىريبە الىپ شىعادى. جەدەلتاكتيكالىق دايىندىق، مەملەكەتتىك قۇپيالاردى قورعاۋ، مورالدىقپسيحولوگيالىق قامتاماسىز ەتۋ، اسكەري پەداگوگيكا جانە پسيحولوگيا، اسكەري توپوگرافيا جانە ت.ب. پاندەردەن ساباق الادى.
ايدىن نۇرلان ۇلى، زاپاستاعى لەيتەنانت:
- وقۋجاتتىعۋ قورعانىس ىستەرى باسقارماسىنىڭ جيناقتاۋى ارقىلى جۇرگىزىلەدى. قازىرگى تاڭدا «قاراوي» وقۋجاتتىعۋ پوليگونىندا وقۋجاتتىعۋ وتكىزۋدەمىز. باستى ماقسات – اسكەري بىلىكتىلىكتى ارتتىرۋ، ءارتۇرلى وقۋجاتتىعۋداعى مەڭگەرگەن تاجىريبەنى جەتىلدىرۋ. وتكىزىلگەن اسكەري جاتتىعۋلاردىڭ باسىم كوپشىلىگى ۇرىس تاكتيكاسىنا باعىتتالعان. پوليگونعا كەلگەنىمىزگە 3 اپتا بولدى. وق دارىلەر، جاتىن ورىن، تاماق كازارمادا تولىعىمەن جابدىقتالعان. لەيتەنانتتان باستاپ، مايور شەنىنە دەيىنگى زاپاستاعى وفيسەرلەر 1 اي كولەمىندە وقۋجاتتىعۋدان وتەتىن بولادى. بىلىكتىلىگى جوعارى وفيسەرلەردەن كوپ نارسە ۇيرەندىك.
ايبەك باقىت ۇلى، جۇمىلدىرۋ رەزەرۆىن دايىنداۋ وقۋ ورتالىعىنىڭ وقىتۋشىسى، كاپيتان:
- ق ر قارۋلى كۇشتەرى دەسانتتىق شابۋىلداۋشى اسكەرلەرى قولباسشىسىنىڭ جەدەل حاتى بويىنشا جۇمىلدىرۋ رەزەرۆىن دايىنداۋ وقۋ ورتالىعىنىڭ جەكە قۇرامى زاپاستاعى وفيسەرلەردى دايىنداۋدا. جەكە قۇرام اك 74 قارۋىنان 4باقىلاۋ اتۋ جاتتىعۋىن، ەكىنشى وقۋ نۇكتەسى پم9 تاپانشاسىنان وقۋ جاتتىعۋ ورىندايدى. اسكەري كافەدرا بىتىرگەن جوعارى ءبىلىمدى وفيسەرلەر، كەزىندە كەلىسىمشارتى اياقتالىپ نەمەسە كەزەكتى دەمالىسقا شىققان وفيسەرلەر كەلۋدە. وپەراتيۆتى تاكتيكا، اتىس ساباقتارى تەوريا جانە پراكتيكا جۇزىندە وتەدى. 1 اي كولەمىندە 19 پاننەن ساباق الىپ شىعادى.