قازاقستان ەكونوميكاسى ىلگەرىلەپ كەلەدى.
ەادب قازاقستان ەكونوميكاسىنىڭ 4% ءوسۋىن بولجايدى، دەپ حابارلايدى Almaty-akshamy.kz.
دۇنيەجۇزىلىك ەۋرازيالىق دامۋ بانكى ساراپشىلارى قازاقستان ەكونوميكاسىنىڭ 4% دەڭگەيىندە ءوسىمىن بولجادى. بۇعان جاھاندىق ەكونوميكانىڭ قالپىنا كەلۋى مەن مۇناي باعاسىنىڭ ءوسۋى ىقپال ەتپەك. كارانتيندىك شەكتەۋلەردىڭ السىرەۋى تۇتىنۋشىلىق سۇرانىسقا جاعىمدى اسەر ەتەتىندىكتەن، بيىل ەلدەگى ءوندىرىس داعدارىسقا دەيىنگى دەڭگەيگە ورالادى دەپ كۇتىلۋدە.
بۇل رەتتە كولىك-لوگيستيكا جانە تۋريزم سالاسىندا قويىلعان شەكتەۋلەر تولىعىمەن جويىلماعاندىقتان، ءبىرشاما قيىندىق ساقتالۋى مۇمكىن. ەۋرازيالىق دامۋ بانكى حابارلاماسىندا، سونداي-اق ەكونوميكالىق ءوسۋدىڭ نەگىزگى درايۆەرى بولاتىن قۇرىلىس سالاسى نەعۇرلىم جىلدام قارقىنمەن داميتىنى كورسەتىلدى.
بانكتىڭ جاڭا شولۋىندا قازاقستان ەكونوميكاسى 2022 جىلى 4،4% وسەتىنى جانە 2023 جىلى ونىڭ ءوسىمى 5% دەيىن جەتەتىنى اتاپ ءوتىلدى. وسى جىلدىڭ قورىتىندىسى بويىنشا ينفلياسيا 6،7% دەڭگەيىندە تىركەلىپ، ال 2022 جىلى 5،7% دەيىن باياۋلايدى دەپ بولجانعان.