ءوندىرىس كولەمى ارتقان ايماقتىڭ اراسىندا الماتى قالاسى دا بار.
بۇل تۋرالى ۇلتتىق ەكونوميكا ءمينيسترى الىبەك قۋانتىروۆ مالىمدەدى، دەپ حابارلايدى Almaty-akshamy.kz.
ونىڭ ىشىندە ناقتى سەكتورداعى ءوسىم 2،7%، ال قىزمەت كورسەتۋ سالاسىنداعى ءوسىم 5% بولدى. نەگىزگى سالالاردىڭ بارلىعىندا وڭ ديناميكا بايقالعان. ااسىرەسە قۇرىلىس، ساۋدا، اقپارات جانە بايلانىس ەڭ جوعارى ءوسۋدى كورسەتتى. نەگىزگى كاپيتالعا سالىنعان ينۆەستيسيالاردىڭ ءوسۋ قارقىنى 19،2% بولدى.
ينۆەستيسيالار اعىنى كولىك جانە قويمالاۋدا – 72،8%-كە، اۋىل شارۋاشىلىعىندا – 33،1%-كە، جىلجىمايتىن مۇلىكپەن وپەراسيالاردا – 12،1%-كە، سونداي-اق ونەركاسىپتە – 14،1%-كە، ونىڭ ىشىندە تاۋ-كەن ءوندىرۋ ونەركاسىبىندە – 12،2%-كە، وڭدەۋ ونەركاسىبىندە – 7،2%-كە ءوستى.
"وڭىرلەر اراسىندا ەڭ جوعارعى ءوسىم ۇلىتاۋ، ماڭعىستاۋ، پاۆلودار جانە قاراعاندى وبلىستارىندا بايقالدى. الدىن الا قورىتىندى بويىنشا 2023 جىلعى قاڭتاردا سىرتقى ساۋدا تاۋار اينالىمى 15،7%-كە ءوسىپ، 10،3 ملرد. دوللاردى قۇرادى. ونىڭ ىشىندە ەكسپورت بويىنشا كورسەتكىش 0،4%-كە ءوسىپ، 6،1 ملرد. دوللارعا دەيىن جەتتى. بۇل رەتتە وڭدەلگەن تاۋارلار ەكسپورتى 21،5%-كە ۇلعايىپ، 2،1 ملرد. دوللاردى قۇرادى"، - دەدى الىبەك قۋانتىروۆ.
تاۋارلار يمپورتى 4،2 ملرد. دوللارعا جەتتى. جالپى وڭ ساۋدا بالانسى 1،9 ملرد. دوللارعا تەڭ. وڭدەۋ ونەركاسىبىندە وڭ ءوسۋ ساقتالىپ وتىر. ءوندىرىس كولەمى 2،5%-كە ءوستى. كورسەتكىش ءوسۋى 16 وڭىردە تىركەلدى. سونىڭ ىشىندە سولتۇستىك قازاقستان، ۇلىتاۋ، الماتى وبلىستارى جانە الماتى قالاسى ەڭ جوعارعى ءوسۋدى كورسەتتى.
وڭدەۋ ونەركاسىبى سالالارى بويىنشا ماشينا جاساۋ ءوندىرىسىنىڭ 31،5%-كە، ونىڭ ىشىندە اۆتوموبيل جاساۋدىڭ – 34،2%-كە، ەلەكتر جابدىقتارىن جاساۋدىڭ – 48،7%-كە ءوسۋى قامتاماسىز ەتىلدى. سونىمەن قاتار ءوسۋ كەلەسى سالالاردا بايقالىپ وتىر: ازىق-تۇلىك ءوندىرىسى – 9،6%، مۇناي وڭدەۋ ونىمدەرى – 5،4%، حيميا ونەركاسىبى – 3،6%، سۋسىندار ءوندىرىسى – 22،6%، فارماسيەۆتيكا ءوندىرىسى – 16،7%، جەڭىل ونەركاسىبى – 34،3%.
بيىل قاڭتار-اقپاندا 2،1 ملن. شارشى مەتر تۇرعىن ءۇي پايدالانۋعا بەرىلدى، بۇل وتكەن جىلدىڭ سايكەس كەزەڭىمەن سالىستىرعاندا 22،2%-كە جوعارى. تۇرعىن ءۇيدى پايدالانۋعا بەرۋدىڭ ەڭ جوعارى كورسەتكىشتەرى الماتى جانە شىمكەنت قالالارىندا، سونداي-اق ماڭعىستاۋ جانە اتىراۋ وبلىستارىندا بايقالدى.
اۋىل شارۋاشىلىعىنىڭ جالپى شىعارىلىمى 3،9%-كە ۇلعايدى. سالاداعى ءوندىرىستىڭ وڭ ءوسۋى 16 وڭىردە تىركەلدى. ەڭ جوعارعى ءوسىمدى شىعىس قازاقستان، ماڭعىستاۋ، اقمولا جانە قوستاناي وبلىستارى كورسەتتى.
7 ەكونوميكالىق كورسەتكىش بويىنشا وڭىرلەر اراسىنداعى جالپى جاعداي مىناداي:
بارلىق كورسەتكىشتەر بويىنشا وڭ ءوسىم 6 وڭىردە – اباي، باتىس قازاقستان، ماڭعىستاۋ جانە پاۆلودار وبلىستارىندا، سونداي-اق الماتى جانە شىمكەنت قالالارىندا بايقالادى.
6 كورسەتكىش بويىنشا ءوسىم 9 وڭىردە تىركەلدى. بۇل اقمولا، الماتى، اتىراۋ، جامبىل، قاراعاندى، قوستاناي، قىزىلوردا، سولتۇستىك قازاقستان، تۇركىستان وبلىستارى.