الماتىنىڭ ەكولوگيا جانە قورشاعان ورتا باسقارماسى تۇرعىندارعا تەگىن كوشەت تاراتۋعا ارنالعان «جاسىل اۋلا» اكسياسىنىڭ باستالعانىن حابارلايدى. كوپقاباتتى ۇيلەر اۋلاسى مەن قوعامدىق كەڭىستىكتەردى كوگالداندىرۋعا نيەتتى ءاربىر الماتىلىق شەگىرشىن، ءساناعاش، شاعان مەن قايىڭنىڭ كوشەتتەرىن تەگىن الا الادى، دەپ حابارلايدى اlmaty-akshamy.kz.
وتىنىشتەر 15-24 ناۋرىز ارالىعىندا قابىلدانادى. تۇرعىندارعا ىڭعايلى بولۋى ءۇشىن كوشەتتەر دەمالىس كۇندەرى تاراتىلاتىن بولادى.
ءبىر ادامعا 20 كوشەتتەن ارتىق بەرىلمەيدى. اكسياعا قاتىسۋشىلاردىڭ وتىرعىزىلعان اعاشتاردى الداعى ءۇش جىل بويى كۇتىپ-باپتاۋ تۋرالى كەپىلدى مىندەتتەمەگە قول قوياتىندىعىن ەسكەرگەن ءجون. قاتىسۋ ءۇشىن Jasyl.aula.almaty@gmail.com ەلەكتروندى پوشتاسىنا كەلەسى مالىمەتتەردى جولداۋ قاجەت:
- قاتىسۋشىنىڭ ءاتى-جونى مەن تەلەفون ءنومىرى، اعاش وتىرعىزىلاتىن ورىننىڭ ناقتى مەكەنجايى؛
- اعاش وتىرعىزىلاتىن ورىننىڭ فوتوسى (ماماندارعا ورىندى تولىقتاي باعالاۋعا مۇمكىندىك بولۋى ءۇشىن پانورامالىق فورماتتا بولعانى ءجون)؛
- سۇرالىپ وتىرعان كوشەت ءتۇرى مەن سانى.
كوشەتتەر 1، 2 جانە 9، 10 ءساۋىر كۇندەرى الماتى قالاسى، اۋەزوۆ اۋدانى، يۋريي كيم كوشەسى، 9 («Eco Almaty» ج ش س) مەكەنجايىندا تاراتىلادى. سوڭىنان جوعارىدا كورسەتىلگەن ەلەكتروندى مەكەنجايعا فوتوەسەپ جولداۋ قاجەت. كورسەتىلگەن ۋاقىتتان كەيىن جولدانعان وتىنىشتەر قاراستىرىلمايدى. قوسىمشا اقپارات الۋ ءۇشىن جاسىل قوردى باقىلاۋ بولىمىنە كەلەسى نومىرلەر بويىنشا حابارلاسۋعا بولادى: +7777 068 56 38.