الماتىداعى قازاقستاندىق ورىس مادەني ورتالىعىنىڭ ءتوراعاسى ۆسيەۆولود لۋكاشيەۆ رەفەرەندۋمعا قاتىسىپ داۋىس بەردى، دەپ حابارلايدى aqshamnews.kz.
– بۇگىن قازاقستان تاريحىنداعى ماڭىزدى كۇندەردىڭ ءبىرى، ول ءبىزدىڭ قوعامىمىزدىڭ دەموكراتيالىق ەكەنىن كورسەتەدى. ەل دامۋىنىڭ نەگىزگى ماسەلەلەرى بويىنشا جالپى تالقىلاۋ جانە شەشىم قابىلداۋ ماڭىزدى، – دەدى ۆسيەۆولود لۋكاشيەۆ.
– بۇگىن ءبىز بالالارىمىزدىڭ بولاشاعى قانداي بولاتىنىن جانە ەلىمىزدىڭ الەمدەگى ورنىن انىقتاپ وتىرمىز.
اڭگىمە بارىسىندا سپيكەر قازىرگى الەمدە عىلىمي پروگرەسس ناعىز تاۋەلسىزدىكتى انىقتايتىنىن اتاپ ءوتتى.
– دامىعان ەلدەردە ءومىر ءسۇرۋ دەڭگەيىن ءار تۇرعىنعا شاققانداعى تۇتىنىلعان ەلەكتر ەنەرگياسىمەن باعالايدى. تۇتىنۋ دەڭگەيى جوعارى بولعان سايىن ءومىر ءسۇرۋ دەڭگەيى دە جوعارى. بۇگىن ءبىز ەنەرگەتيكالىق تابىستى بولاشاققا تاريحي قادام جاساپ جاتىرمىز. ەگەمەن قازاقستان ەنەرگەتيكالىق ەركىن ەلدەردىڭ الدىڭعى قاتارىندا ءوز ورنىن الادى، – دەدى ۆسيەۆولود لۋكاشيەۆ.