اتى اڭىزعا اينالعان قازاقستاندىق وپەرا ءانشىسى، مەملەكەتتىك سىيلىقتىڭ لاۋرەاتى بيبىگۇل تولەگەنوۆا اتوم ەلەكتر ستانسياسىن سالۋ ماسەلەسى بويىنشا رەفەرەندۋمعا قاتىستى، دەپ حابارلايدى aqshamnews.kz.
بيبىگۇل احمەت قىزى داۋىسىن ۇيىندە بەردى. №559 سايلاۋ ۋچاسكەسىنىڭ وكىلدەرى بيۋللەتەندەرگە ارنالعان ۋرنانى بيبىگۇل احمەت قىزىنىڭ تۇرعىلىقتى مەكەنجايىنا اكەلدى.
ءارتىس بۇل وقيعانىڭ ەل ءۇشىن ماڭىزدىلىعىن اتاپ ءوتتى. ونىڭ ايتۋىنشا، رەفەرەندۋمعا ءقاتىسۋ-اربىر ازاماتتىڭ قازاقستاننىڭ بولاشاعىنا دەگەن جاۋاپكەرشىلىگى.
"مۇنداي شەشىمدەر مۇقيات ويلاستىرۋدى قاجەت ەتەدى، ويتكەنى ولار ەلدەگى قازىرگى جاعدايعا عانا ەمەس، كەلەسى ۇرپاقتىڭ بولاشاعىنا دا اسەر ەتەدى. مەن ەلىمىز ءۇشىن وسى ماڭىزدى ماسەلەگە ءوز داۋىسىمدى قوسا الاتىنىمدى ماقتان تۇتامىن"، - دەپ اتاپ ءوتتى بيبىگۇل احمەت قىزى.
وپەرا ءانشىسىنىڭ ايتۋىنشا، قازاقستان ءالى دە جاس مەملەكەت جانە ونى قولداۋ كەرەك، ەلىمىز ءۇشىن ماڭىزدى وقيعالارعا قاتىسىپ، سول ارقىلى مەملەكەتىمىز ءۇشىن دامۋدىڭ ەڭ جاقسى جولىن تاڭداۋ كەرەك.
ەستەرىڭىزگە سالا كەتەيىك، بۇگىن قازاقستان اۋماعىندا اتوم ەلەكتر ستانسياسىن سالۋ ماسەلەسى بويىنشا رەسپۋبليكالىق رەفەرەندۋم وتۋدە. №48 مەكتەپ-ليسەيدەگى №388 سايلاۋ ۋچاسكەسىنە العاشقىلاردىڭ ءبىرى بولىپ قالا باسشىسى ەربولات دوسايەۆ داۋىس بەرۋ ءۇشىن جۇبايىمەن بىرگە كەلدى. الماتى تۇرعىندارى تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.