ەل بويىنشا ەكى مىڭنان استام اۋىل اكىمى «اۋىل اماناتى» جوباسى اياسىندا بىلىكتىلىگىن ارتتىرعان

باستى ماقسات – تۇرعىنداردىڭ تابىسىن ۇلعايتۋ.

قاتىسۋشىلار اۋىلدىڭ حال-احۋالىنا ماركەتينگتىك بيزنەس-جوسپارىن ازىرلەۋ، ۇساق شارۋاشىلىقتاردى قۇرۋ ساۋاتتىلىعىنا وقىتىلدى. جيىن بارىسىندا كۋرستاردىڭ ناتيجەسى قورىتىندىلاندى، دەپ حابارلايدى Almaty-akshamy.kz.

وي-پىكىرىن بولىسكەن اۋىل اكىمدەرىنە وقىتۋ باعدارلاماسىندا ايتىلعان كووپەراتيۆتەردى قۇرۋ يدەياسى ۇنادى. الايدا ونى اۋىلدا جۇزەگە اسىرۋ ءۇشىن، ءۇش كۇندىك ءبىلىم الۋ كۋرستارى ازدىق ەتەدى. كەي اۋىل اكىمدەرى كاسىبىن دوڭگەلەتىپ اكەتە الاتىن شارۋالار از ەمەس، تەك مال وسىرۋگە كەتەتىن قارجىسىن اۋىل تۇرعىندارى باسپانا الۋ نەسيەسىنە جۇمسايتىنىن ايتادى.

«AMANAT پارتياسىنا ءبىز ۇسىنىس جاسادىق. سول ءۇش كۇندىك سەميناردا جىلجىمايتىن مۇلىكتىڭ كەپىلدىگىن 70-80 پايىزعا دەيىن باعالاسا. ەكىنشىدەن، بۇل جەردە حالىقتى قىزىقتىرىپ وتىرعانى – 2،5% نەسيە. ءقازىر كەز كەلگەن جەكە قوسالقى شارۋاشىلىقتا ونسىز دا ادامدار ءسۇت، كوكونىس، ونىمدەرىن ساتىپ جاتىر. سونىڭ بارلىعىن نەسيە الىپ، زاڭدى تۇردە وتكىزىپ، وندىرۋگە بولادى»، - دەيدى اقمولا وبلىسى بەكتاۋ اۋىلدىق وكرۋگىنىڭ اكىمى اسقار ماحفۋز.