ەل اۋماعىنداعى لوتوس القابىنىڭ جويىلۋ ءقاۋپى بار

اتىراۋ وبلىسىنداعى قيعاش وزەنىندە وسەتىن لوتوس گۇلىنە جويىلىپ كەتۋ ءقاۋپى ءتونىپ تۇر.

سول سەبەپتەن، ول ەرەكشە قورعالاتىن وسىمىدىكتەر قاتارىنا ەنگىزىلۋى مۇمكىن، دەپ حابارلايدى Almaty-akshamy.kz قازاقپاراتقا سىلتەمە جاساپ.

اتىراۋ وبلىسى اكىمىنىڭ ورىنباسارى جاسۇلان بيسەمبييەۆتىڭ ايتۋىنشا، اتىراۋ وبلىسىندا ەكوتۋريزمدى دامىتۋعا قولايلى ەكى باعىت بار. بۇل – «اقجايىق» مەملەكەتتىك تابيعي رەزەرۆاتى مەن قيعاش وزەنىنىڭ ساعاسىنداعى لوتوس گ ۇلى وسەتىن القاپ.

ال، قيعاش وزەنى اتىراۋ وبلىسى مەن رەسەيدەگى استراحان ءوڭىرى اراسىنداعى شەكارا سىزىعىندا اعىپ تۇر. لوتوس گ ۇلى وسى وزەننىڭ ساعاسىنداعى شامامەن 5 مىڭ گەكتارعا جۋىق القاپتا گۇلدەيدى. قىزعىلت ءتۇستى لوتوستىڭ بيىكتىگى 150 سم دەيىن جەتەدى.

«جىل سايىن الەمدە سيرەك كەزدەسەتىن لوتوس گ ۇلى وسەتىن القاپتى تاماشالاۋعا 1 مىڭعا جۋىق تۋريست كەلەدى. وسى رەتتە گۇلدى جۇلىپ، سىندىرۋ دەرەگى كوبەيىپ بارادى. سونىڭ سالدارىنان فەنومەنالدى القاپ جويىلىپ كەتۋ ءقاۋپىنىڭ الدىندا تۇر. سوندىقتان، لوتوس القابىن قورعاۋ ءۇشىن قوسىمشا قاداعالاۋ جۇمىستارىن كۇشەيتۋ قاجەتتىگىن ۇسىنامىز. وسىعان بايلانىستى اتىراۋ وبلىسىنىڭ اكىمدىگى ەكولوگيا جانە تابيعي رەسۋرستار مينيسترلىگىنە اتالعان ۇسىنىستى قاراستىرۋ تۋرالى سۇرانىس جولدادى»، - دەپ حابارلادى جاسۇلان بيسەمبييەۆ.