يممۋنداۋدان وتكەن تۋريستەردى قابىلدايدى.
ءبىر ايدان كەيىن تايلاند تۋريستەردى قابىلداي باستايدى. ەكپە العان شەتەلدىكتەر ءۇشىن كارانتيننەن وتۋگە مىندەتتەلمەيدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
15 قازاندا بانگكوك ساياحاتشىلار ءۇشىن اشىلادى. COVID-19 سەرتيفيكاتى بار قوناقتارعا 14 كۇندىك كارانتيننەن ءوتۋ قاجەت ەمەس. بۇل تۋرالى تايلاند تۋريزم جانە سپورت ءمينيسترى پحيپحات راچاكيتپراكارن حابارلادى. شەنەۋنىك 1 قازاننان باستاپ تاعى ءتورت تۋريستىك ايماق تولىق يممۋنداۋدان وتكەن تۋريستەردى قابىلداي باستايدى دەپ قوستى.
«بانگكوك اشىلۋعا دايىن. الايدا، ءبىز اشىق ايتۋىمىز كەرەك، قازىرگى ۋاقىتتا ۆاكسينالانعان بانگكوك حالقىنىڭ كورسەتكىشى 70%-عا جەتكەن جوق»، – دەدى راچاكيتپراكارن.
سونىمەن قاتار، تۋريزم ءمينيسترى بانگكوكتا يممۋنداۋ باعدارلاماسى ايتارلىقتاي قارقىنمەن ءجۇرىپ جاتقانىنا نازار اۋداردى.
نيدەرلاندىدا قاتاڭ سانيتارلىق-كارانتيندىك شارالار كەزەڭ-كەزەڭىمەن جەڭىلدەتىلۋدە. سونىمەن، ەل الەۋمەتتىك قاشىقتىق ەرەجەسىن الىپ تاستايدى. ءبىراق بارلىق جەردە ەمەس. كافەلەر مەن مەيرامحانالارعا، بۇقارالىق شارالارعا كەلۋشىلەر ۆاكسيناسيا سەرتيفيكاتىن، كوروناۆيرۋسپەن اۋىرعاندىعى تۋرالى انىقتامانى نەمەسە SARS-CoV-2 تەرىس تەستىن ۇسىنۋى كەرەك.
1،5 مەتر قاشىقتىقتى ساقتاۋدىڭ مىندەتتى ەرەجەسى 25 قىركۇيەكتەن باستاپ الىنادى. سونىمەن بىرگە، شەنەۋنىكتەر وتانداستارىن ساق بولۋعا شاقىردى، ويتكەنى ءقاۋىپ ءالى دە بار جانە اۋرۋحانالاردىڭ جۇكتەمەسى دە ازايعان جوق.