الماتىنىڭ «ۇزدىك پەداگوگى»

قالالىق اكىمشىلىكتىڭ قولداۋىمەن 2012 جىلدان بەرى داستۇرگە اينالعان  «ۇزدىك پەداگوگ» بايقاۋى بيىل ونىنشى رەت  وتكىزىلىپ  وتىر.

الايدا، الەمدىك ىندەتكە بايلانىستى  ەكى كەزەڭنەن تۇراتىن  ءداستۇرلى «ۇزدىك پەداگوگ»  بايقاۋى ونلاين رەجيمىندە وتكىزىلدى،  دەپ حابارلايدى Almaty-akshamy.kz

اتالمىش بايقاۋدىڭ  باستى  ماقساتى پەداگوگ مارتەبەسىن كوتەرىپ، ءبىلىم بەرۋ سالاسىندا جوعارى جەتىستىكتەرگە جەتكەن پەداگوگتەردى انىقتاپ، ولاردىڭ ەڭبەگىن باعالاۋ.  سوندىقتان، بايقاۋعا قاتىسىپ، باعىن سىناعىسى كەلگەندەر سانى وتە كوپ بولدى.

 بيىل  بايقاۋعا 189  مەكتەپكە دەيىنگى تاربيە مەن وقىتۋ ۇيىمدارىنان – 76 تاربيەشى  مەن 207 ورتا ءبىلىم بەرۋ ۇيىمدارىنان – 88 ءمۇعالىم، 21 كوللەدجدەن 21 پەداگوگ بايقاۋعا قاتىسۋعا نيەت ءبىلدىردى.

 العاشقى  كەزەڭگە قاتىسقان 185 پەداگوگتىڭ 17ء-ى قالالىق كەزەڭگە جولداما الدى.

 كونكۋرستىڭ قازىلار القاسىنىڭ قۇرامىندا  پەداگوگيكالىق جوعارى وقۋ ورىندارىنىڭ عالىمدارىنان، پەداگوگتەردىڭ قالالىق «ۇستاز» كاسىپوداق ۇيىمىنىڭ ءتوراعاسى، ونەركاسىپشىلەر جانە جۇمىس بەرۋشىلەر وداعىنىڭ باسشىلىعى، تاجىريبەلى پەداگوگتەر «ۇزدىك پەداگوگ»  بايقاۋلارىنىڭ جەڭىمپازدارىنان جانە بۇقارالىق اقپارات قۇرالدارىنىڭ وكىلدەرى بولدى. 

 قالالىق كونكۋرستىڭ قورىتىندىسى بويىنشا بالاباقشالاردان، مەكتەپتەردەن جانە كوللەدجدەردەن قاتىسقان پەداگوگ قىزمەتكەرلەرگە I، II، III ورىندار انىقتالدى:

- I ورىن – 1 ءمۇعالىم، 1 ارنايى پاندەر وقىتۋشىسى؛

- II ورىن –  1 ءمۇعالىم، 1 تاربيەشى؛

- III ورىن –3 ءمۇعالىم، 2 تاربيەشى.

 جەڭىمپازداردىڭ ەسىمدەرى  پەداگوگ قىزمەتكەرلەردىڭ تامىز كونفەرەنسياسىندا جاريا بولىپ،  ماراپاتتالاتىن بولادى.

 كونكۋرستا I ورىن العان ەكى پەداگوگكە «ۇزدىك پەداگوگ» اتاعى بەرىلەدى.

 سونىمەن قاتار،  I ورىن العان ەكى «ۇزدىك پەداگوگ» يەگەرىنە جەرگىلىكتى بيۋدجەت ەسەبىنەن ايلىق ەسەپتىك كورسەتكىشتىڭ 300 ەسەلەنگەن مولشەرىندە سىياقى تولەنەدى.