«Amanat» پارتياسىنىڭ تاراز قالاسىنداعى وبلىستىق فيليالىنىڭ ءتوراعاسى داۋىل بەيسەنقۇلوۆ باستاعان اەس قولداۋ شتابىنىڭ مۇشەلەرى ءبىرقاتار كەزدەسۋلەر وتكىزدى.
شتاب قۇرامىندا ەرسىن سارييەۆ، سەرىك جەتىبايەۆ، داۋرەن احمەتجايەۆ، اندرەي ساۆچەنكو، انار دوسىمابايەۆا جانە جانات باستاۋبايەۆا بولدى. ولار الدىمەن وبلىستىق ناركولوگيالىق ديسپانسەردە كەزدەسۋ وتكىزىپ، رەفەرەندۋمنىڭ ماڭىزى مەن اتوم ەنەرگەتيكاسىنىڭ ەل ءۇشىن قاجەتتىلىگىن تالقىلادى.
«عىلىمي-تەحنيكالىق جانە ينجەنەرلىك سالالاردى دامىتۋ اسا ماڭىزدى. اەس ەلىمىزدىڭ عىلىمي الەۋەتىن كوتەرىپ، ماماندار دايارلاۋعا مۇمكىندىك بەرەدى. اتوم ەلەكتر ستانساسى – بۇل تەك ەنەرگيا كوزى ەمەس، سونىمەن قاتار، عىلىمي-زەرتتەۋ مۇمكىندىكتەرىن ارتتىراتىن جوبا»، – دەدى داۋىل بەيسەنقۇلوۆ.
تاراز قالاسىنىڭ تۇرعىندارىمەن كەزدەسۋدە شتاب مۇشەلەرى اەس سالۋدىڭ ەل ەكونوميكاسى مەن ەكولوگيالىق قاۋىپسىزدىككە تيگىزەر پايداسىن اتاپ ءوتتى. ولاردىڭ ايتۋىنشا، اەس ەنەرگياعا تاۋەلدىلىكتى تومەندەتىپ، ەكونوميكاعا سەرپىن بەرمەك.
«ەكونوميكامىزدىڭ تۇراقتى دامۋى ءۇشىن گەنەراسيا كولەمىن ەكى ەسەگە ارتتىرۋ قاجەت. ول ءۇشىن گاز قوندىرعىلارىن ورناتۋ، جەو-لاردى جاڭعىرتۋ جانە اەس سالۋ قاجەت»، – دەدى داۋرەن احمەتجايەۆ.
كۇننىڭ ەكىنشى جارتىسىندا شتاب مۇشەلەرى «كازفوسفات» كومپانياسى جانە تاراز قالالىق ەمحاناسىنىڭ قىزمەتكەرلەرىمەن كەزدەستى.
جيىندا اەس-تىڭ ەكولوگيالىق تۇرعىدان ءقاۋىپسىز ەكەنى ءتۇسىندىرىلدى. شتاب مۇشەلەرى جوبانىڭ قورشاعان ورتاعا زيانى جوق ەكەنىن اتاپ ءوتىپ، تۇرعىنداردىڭ سۇراقتارىنا جاۋاپ بەردى.
كەزدەسۋ سوڭىندا ەلدىڭ ەكونوميكالىق جانە الەۋمەتتىك دامۋىندا ماڭىزدى شەشىم قابىلداۋعا اتسالىسۋ قاجەتتىگى ايتىلدى.