500 مىڭنان استام ءوسىم بايقالادى.
قازاقستاندا كيىكتەردىڭ سانىن انىقتاۋ جانە باقىلاۋ جۇمىستارى ءجۇرىپ جاتىر. بۇل تۋرالى ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ۇكىمەتتە ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«راسىندا دا كيىكتەردىڭ سانى ارتىپ كەلەدى. ورال پوپۋلياسياسىنا كەلسەك، وندا 500 مىڭنان استام ءوسىم بايقالادى. قازىرگى ۋاقىتتا كيىكتەر سانىن باقىلاۋ جانە انىقتاۋ جۇمىستارى جۇرگىزىلۋدە. بۇل جۇمىستى جاقىن كۇندەرى اياقتايمىز جانە 10 مامىردا كيىكتەردىڭ ناقتى سانىن بىلەتىن بولامىز»، - دەدى سەرىكقالي برەكەشيەۆ ۇكىمەت وتىرىسىنان كەيىنگى بريفينگتە.
ءمينيستردىڭ بولجامى بويىنشا، ءبىر عانا ورالدا كيىك سانى 1 ميلليونعا دەيىن ارتۋى مۇمكىن. بۇل دەرەكتەردى ماماندار 10 مامىردان كەيىن جاريالايدى.
ەسكە سالا كەتسەك، بىلتىر باتىس قازاقستان وبلىسىنىڭ شارۋالارى كيىكتەر كوبەيىپ، مال جايىلىمىن تاپتادى دەپ شاعىمدانعان بولاتىن.