بۇل شاراعا قاتىسۋشىلار سايران كولىن تازالايدى.
ماۋسىمنىڭ 25 كۇنى الماتىداعى سايران كولىنىڭ شىعىس جاعالاۋىندا «بىرگە – تازا قازاقستان» اتتى ەكولوگيالىق اكسيا وتەدى، دەپ حابارلايدى Almaty-akshamy.kz.
اتالمى شارانىڭ ماقساتى – لاستانعان تابيعات ماسەلەسىنە حالىق نازارىن اۋدارۋ، تازالىقتى ساقتاۋ جانە ەكولوگيالىق مادەنيەتتى قالىپتاستىرۋ.
«شارانى الماتى قالاسى اكىمىنىڭ ورىنباسارى ە.ءامرين ماقۇلداعا. مەملەكەت باسشىسىنىڭ تاپسىرماسىمەن ۇيىمداستىرىلاتىن بۇل اكسيا ءۇش جىلدان بەرى قازاقستاننىڭ بارلىق ايماقتارىندا وتكىزىلىپ كەلەدى»،- دەلىنگەن الماتى قالالىق ەكولوگيا دەپارتامەنتىنىڭ باسپا ءسوز قىزمەتىنىڭ حابارلاماسىندا.
اكسيا باراسىندا قاتىسۋشىلار سايران كولىنىڭ شىعىس جاعالاۋى تازالايدى. شاراعا قالا تۇرعىندارىمەن جاستاردى جانە ەكولوگيالىق بەلسەندىلەر مەن ەرىكتىلەردى تارتۋ كوزدەلىپ وتىر.
«بارشا جاناشىر ازاماتتاردى، بارشا الماتى قالاسىنىڭ تۇرعىندارىن «بىرگە – تازا قازاقستان» اكسياسىنا بەلسەنە قاتىسىپ، قالامىزدىڭ تازالىعى مەن كورىكتەنۋىنە ءوز ۇلەستەرىن قوسۋعا شاقىرامىز!» - دەلىنگەن الماتى قالالىق ەكولوگيا دەپارتامەنتىنىڭ باسپا ءسوز قىزمەتىنىڭ حابارلاماسىندا.