ەلدە قاتەرلى ىسىككە شالدىققاندار سانى ءۇش جىلدا 14%-عا وسكەن.
سەنات دەپۋتاتى ءابدالى نۇرالييەۆ قالالارداعى ەكولوگيانىڭ ناشارلاۋى ادامداردىڭ ءومىر ءسۇرۋ ساپاسى مەن احۋالىنا تەرىس اسەر ەتەتىنىن اتاپ ءوتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
«ەكولوگتار قالالاردا اتموسفەرانىڭ جوعارى دەڭگەيدە لاستانۋى سالدارىنان قۇربان بولاتىندار جىلىنا ورتا ەسەپپەن 2% كوبەيىپ بارا جاتقانى جايىندا دەرەكتەر كەلتىرىپ وتىر. ال ءۇش جىل ىشىندە قاتەرلى ىسىككە شالدىققان ناۋقاستار سانى 14%-عا وسكەن»، – دەدى ول.
اسىرەسە، رەسپۋبليكالىق ماڭىزى بار جانە ونەركاسىبى بار قالالاردا جاعداي ناشارلاپ بارادى. سەناتور وسىعان بايلانىستى ءوزىنىڭ دەپۋتاتتىق ساۋالىندا جاعدايدى جاقسارتۋ ءۇشىن جۇمىسقا قارقىن بەرۋ قاجەتتىگىن ايتتى.
«قازاقستان پاريج كەلىسىمىنە وراي 2030 جىلعا قاراي پارنيكتىك گازداردىڭ شىعارىلۋىن 15%-عا قىسقارتۋدى مىندەتىنە العان. ەسەپتى كەزەڭدە نىسانالى ينديكاتورلاردىڭ ورىندالماۋىنا بايلانىستى ەكولوگيا ماسەلەلەرىنىڭ جول قارتالارى پىسىقتالىپ، ناقتىلانۋى كەرەك جانە ءىس-شارالاردىڭ ناتيجەلى جۇزەگە اسىرىلۋى ءتيىس دەپ سانايمىز. سونداي-اق، قازىرگى ۋاقىتتا قازاقستان كومىرتەكتى بەيتاراپتانۋدىڭ 2060 جىلعا دەيىنگى دوكتريناسىمەن جۇمىستار جۇرگىزۋدە. بۇل ەل مۇددەسى ءۇشىن، تابيعاتقا جانە كليماتقا ۇقىپتى قاراۋدىڭ نەگىزىن قالاۋى كەرەك»، – دەدى سەناتور.