"عارىش ساپارى ۇلتتىق كومپانياسى" اق عارىشتىق مونيتورينگ دەرەكتەرىنە سايكەس اعىمداعى جىلدىڭ 7 قاراشاداعى جاعداي بويىنشا 5552 رۇقسات ەتىلمەگەن قوقىس ۇيىندىلەرى انىقتالدى، ولاردىڭ 3831ء-ى نەمەسە 70%-ى جويىلدى.
ەكولوگيا، پوليسيا دەپارتامەنتتەرى مەن جەرگىلىكتى اتقارۋشى ورگانداردىڭ قاتىسۋىمەن قالدىقتاردى رۇقساتسىز ورنالاستىرۋدىڭ جولىن كەسۋ جونىندەگى بىرلەسكەن ءىس-شارالار جوسپارى بەكىتىلدى. قالدىقتاردى ورنالاستىرۋدىڭ رۇقسات ەتىلمەگەن ورىندارىن تۇگەندەۋ جانە انىقتاۋ بويىنشا بىرلەسكەن رەيدتىك ءىس-شارالار اپتا سايىن جۇزەگە اسىرىلادى، دەپ حابارلايدى Almaty-akshamy.kz.
ەكولوگيا جانە تابيعي رەسۋرستار ءمينيسترلىنىڭ مالىمەتىنشە، بارلىعى 4632 رەت تەكسەرۋ جۇرگىزىلدى.
سونىمەن قاتار، الەۋمەتتىك جەلىلەرگە ۇنەمى مونيتورينگ جۇرگىزىلىپ، قوقىستى شىعارۋ مەن جويۋعا بەينەباقىلاۋ كۇشەيتىلدى.
بۇگىنگى تاڭدا قوقىستاردى جويۋ بويىنشا ەڭ جوعارى كورسەتكىشتەر قىزىلوردا وبلىسىندا، اباي وبلىسىندا جانە شىمكەنت، الماتى قالالارىندا بايقالادى، بۇل رەتتە ماڭعىستاۋ وبلىسىندا، ۇلىتاۋ وبلىسىندا جانە استانا قالاسىندا تومەن كورسەتكىشتەر بايقالادى.
قالدىقتاردى جيناقتاۋ، جيناۋ، تاسىمالداۋ، ەسەپكە الۋ جانە زالالسىزداندىرۋ بويىنشا ەكولوگيالىق تالاپتاردى بۇزعانى ءۇشىن جالپى سوماسى 16،4 ملن تەڭگەگە 149 لاۋازىمدى تۇلعا اكىمشىلىك جاۋاپكەرشىلىككە تارتىلدى.
جالپى العاندا، سوڭعى ءۇش جىلدا انىقتالعان رۇقسات ەتىلمەگەن پوليگوندار سانىنىڭ تومەندەۋ ءۇردىسى بايقالدى. ماسەلەن، 2020 جىلى – 8884 جويىلعان 5823 ءۇيىندى، 2021 جىلى-7328، جويىلعان 6740 ءۇيىندى، 2022 جىلى – 5683 جويىلعان 4331 ءۇيىندى جويىلدى.