ترانسشەكارالىق وزەندەردىڭ سۋ قورىن ءتيىمدى پايدالانۋ قاجەت.
قازاقستان پرەزيدەنتى كاسپيي جانە ارال تەڭىزدەرىندەگى ەكولوگيالىق ماسەلەلەردى شەشۋ ءۇشىن بىرلەسكەن كۇش-جىگەر قاجەت ەكەنىنە نازار اۋداردى، دەپ حابارلايدى Almaty-akshamy.kz
«كاسپيي تەڭىزىنىڭ لوگيستيكالىق الەۋەتىن ارتتىرۋ ماڭىزدى دەدىك. ءبىراق ونداعى ەكولوگيا ماسەلەلەرىن دە نازاردان تىس قالدىرماۋ قاجەت. مىسالى، وزەكتى تۇيتكىلدىڭ ءبىرى – تەڭىزدىڭ تارتىلۋى. ونىڭ قورشاعان ورتاسىن، فلوراسى مەن فاۋناسىن قورعاۋ دا – اسا ماڭىزدى مىندەت. كاسپييدى قۇتقارۋ ءۇشىن ناقتى شەشىمدەردى پىسىقتاۋ كەرەك. وسى رەتتە، تۇركى ەلدەرى عالىمدارىنىڭ ىقپالداستىعىن جانداندىراتىن كەز كەلدى. سونىمەن قاتار ارال تەڭىزىنىڭ قۇرعاپ، شولگە اينالۋى – الاڭداتارلىق ماسەلە. ەكولوگيالىق اپاتقا ۇشىراعان ايماقتى وڭالتۋ كەرەك. بۇعان قوسا، ترانسشەكارالىق وزەندەردىڭ سۋ قورىن ءتيىمدى پايدالانۋ قاجەت. ول ءۇشىن سۋ ۇنەمدەۋ تەحنولوگيالارىن كەڭىنەن قولدانۋ كەرەك»، - دەدى قاسىم-جومارت توقايەۆ.
مەملەكەت باسشىسى ءسوزىن قورىتىندىلاي كەلە، بۇگىنگى باسقوسۋدىڭ ماڭىزدى ماسەلەلەردى جان-جاقتى تالقىلاۋعا مۇمكىندىك بەرگەنىن اتاپ ءوتىپ، وسىنداي كەزدەسۋلەر تۇركى الەمىنىڭ حالىقارالىق دەڭگەيدەگى بەدەلىن ارتتىرۋعا جانە باۋىرلاستىق بايلانىستاردى نىعايتۋعا زور ۇلەس قوساتىنىن ايتتى.