بۇگىن قالانىڭ بارلىق اۋدانى استانا كۇنىن اتاپ ءوتتى.
ءداستۇر بويىنشا ورتالىق مادەنيەت جانە دەمالىس ساياباعىنىڭ جازدىق ساحناسىندا قالانىڭ شىعارماشىلىق ۇجىمدارىنىڭ قاتىسۋىمەن مەرەكەلىك كونسەرت ءوتتى، دەپ حابارلايدى Almaty-akshamy.kz
مەرەكەلىك باعدارلامانىڭ شىمىلدىعىن ءار تىلدە ءان شىرقاعان ونەرلى بالالار اشتى. وقۋشىلار پاتريوتتىق جانە زاماناۋي كومپوزيسياداعى شىعارمالاردى ورىندادى.
كونسەرتتى تاماشالاۋعا الماتىلىقتار وتباسىمەن كەلدى.
بۇگىن كونسەرتتىك باعدارلامادان بولەك قالادا ءتۇرلى شەبەرلىك ساعاتتارى، فلەشموبتار، كورمەلەر، ءدارىس پەن پوەزيا كەشتەرى وتەدى.
جىل سايىن اتاپ وتىلەتىن مەرەكە جالپىحالىقتىق سيپاتقا يە بولىپ كەلەدى. بۇگىن قالامىزدىڭ بارلىق اۋدانىندا مەرەكەلىك كەشتەر ءوتتى. اشىق اسپان استىنداعى كەشكى كونسەرتكە لۋينا، Ziruza، Akim، Kyle Ruh، Bonapart، C.C.Tay، Malika Yes، Aya Funk، Rin'Go، «جىگىتتەر»، «باقاي» توپتارى جانە باسقا دا قازاق ەستراداسىنىڭ وكىلدەرى قاتىسادى دەلىنگەن.
مەرەكەگە وراي استانادا 100-گە جۋىق ءتۇرلى ءىس-شارالار وتەدى. قالا تۇرعىندارى مەن قوناقتار نازارىنا كونسەرتتىك باعدارلامالار، فەستيۆالدار، سپورتتىق تۋرنيرلەر جانە تاعى باسقا قىزىقتى شارالار ۇسىنىلادى.