ەكىباستۇز گرەس-1 كومپانياسىنا 33 ملرد تەڭگەدەن استام ايىپپۇل سالىندى. بۇل تۋرالى Almaty-akshamy.kz. ەكولوگيا مينيسترلىگىنە سىلتەمە جاساپ حابارلايدى.
«پاۆلودار وبلىسىنىڭ ەكولوگيا دەپارتامەنتى بولات نۇرجانوۆ اتىنداعى ەكىباستۇز گرەس-1 جشس-عا قاتىستى ءبىرىنشى جارتىجىلدىق جوسپارلى تەكسەرۋ جۇرگىزدى. تەكسەرۋ بارىسىندا 2018-2020 جىلدارعا ارنالعان پارنيكتىك گازدار شىعارىندىلارىنا كۆوتالار ءبولۋدىڭ ۇلتتىق جوسپارىنداعى بەلگىلەنگەن رۇقسات ەتىلگەن كۆوتالار كولەمىنەن اسىپ كەتۋ بولىگىندە ەكولوگيالىق زاڭنامانى بۇزۋشىلىق انىقتالدى. پارنيكتىك گازدار شىعارىندىلارىنا كۆوتالار ساۋداسىنىڭ قولدانىستاعى جۇيەسى شەڭبەرىندە كاسىپورىنمەن وتەلمەگەن كۆوتا كولەمى 2 ملن توننادان استام سو2 قۇرادى. زاڭناما تالاپتارىنا سايكەس كاسىپورىن ەكولوگيالىق زاڭنامادا بەلگىلەنگەن مەرزىمدە نارىقتا كۆوتالار ساتىپ الۋ ارقىلى جەتىسپەيتىن كۆوتالار كولەمىن جابۋعا ءماجبۇر بولعان»، -دەلىنگەن حابارلامادا.
وسى جايتقا قاتىستى قۇقىق بۇزۋشىلىق تۋرالى حاتتاما تولتىرىلىپ، ايپپۇل سالىندى. ايىپپۇل سوماسى 33 301 625 مىڭ تەڭگەنى قۇرايدى.