مۇقيات قاراستىرىلعان ميللياردتاعان جوبالار، قوقىس وڭدەۋ زاۋىتتارى بىرنەشە جىل بويى ىسكە قوسىلماعان كۇيدە تۇر. قىمبات جابدىقتار ءالى كۇنگە دەيىن تولىق اياقتالماعان زاۋىتتاردىڭ قويمالارىندا شاڭ باسىپ جاتىر. بۇل تۋرالى ەكولوگيا جانە تابيعي رەسۋرستار ءمينيسترى ەرلان نىسانبايەۆ مالىمدەدى، دەپ حابارلايدى aqshamnews.kz.
ونىڭ ايتۋىنشا، اكتوبە جانە اباي وبلىستارىنداعى قۋاتتىلىعى جىلىنا 60 مىڭ توننا قوقىس وڭدەيتىن زاۋىتتارى ءالى ىسكە قوسىلماعان. بۇل ەكى جوبا دا ج ش س «وپەراتور روپ» تاراپىنان قارجىلاندىرىلعان، اكتوبە وبلىسىنداعى زاۋىتقا 1،6 ملن ەۋرو، ال اباي وبلىسىنداعى جوباعا 2،6 ملن ەۋرو بولىنگەن.
جوبالاردى جۇزەگە اسىرۋعا جاۋاپتى تۇلعالار جابدىقتاردى ساتىپ العانىمەن، زاۋىتتار ءالى تۇرعىزىلماعان. نىسانبايەۆتىڭ ايتۋىنشا، سەمەيدە تەك جوبالاۋ-سمەتالىق قۇجاتتاما (پسد) ازىرلەۋمەن عانا شەكتەلگەن. ال جابدىقتاردى ورناتىپ، ىسكە قوسۋ ماسەلەسى ءالى شەشىلمەگەن.
مينيستر بۇل ماسەلە بويىنشا بىرنەشە رەت جەرگىلىكتى اكىمدىككە ءوتىنىش بىلدىرگەنىن، ەندى تاعى دا وسى ماسەلەنى كوتەرىپ، زاۋىتتاردىڭ قۇرىلىسىن تەزدەتۋدى سۇراعانىن ايتتى.