ۇلتتىق ستاتيستيكا بيۋروسى، بۇگىن، 2024 جىلعى 22 ساۋىردە وتكەن جىلعا قاتىستى قازاقستانداعى تۋۋ كورسەتكىشى تۋرالى مالىمەتپەن ءبولىستى.
ستاتيستيكالىق مالىمەتتەرگە سايكەس، 2023 جىلى قازاقستاندا 388،4 مىڭ ءسابي (403،8 مىڭ – 2022 ج.) دۇنيەگە كەلىپتى.
ونىڭ:
- 51،6% – ۇلدار،
- 48،4% – قىزدار.
230،3 مىڭ بالا نەمەسە تۋىلعانداردىڭ 59% قالالىق جەردە تۋىلسا، قالعان 158 مىڭ بالا، ياعني 41% – اۋىلدىق جەردە دۇنيەگە كەلگەن.
بالا تۋۋدىڭ 2023 جىلى تۋۋدىڭ جالپى كوەففيسيەنتى 1000 ادامعا شاققاندا 19،52 قۇرادى، 2022 جىلى ول 1000 ادامعا شاققاندا 20،57 بولعان. تۋۋدىڭ ەڭ جوعارى دەڭگەيى ماڭعىستاۋ وبلىسىندا (1000 تۇرعىنعا 26،74 ادام)، تۇركىستان وبلىسىندا (1000 تۇرعىنعا 26،18 ادام) جانە شىمكەنت قالاسىندا (1000 تۇرعىنعا 25،70 ادام) بايقالدى.
بالا تۋۋ كورسەتكىشى بويىنشا 25-29 ارالىعىنداعى ايەلدەر – 29%، 30-34 جاس ارالىعىنداعىلار – 26%. ال 20 جاسقا دەيىنگى ايەلدەر وتكەن جىلى 12،6 مىڭ بالا، 50 جاستان اسقاندار 96 بالانى دۇنيەگە الىپ كەلگەن. بۇل رەتتە انانىڭ ورتاشا جاسى 2023 جىلى 29،7 جاستى قۇرادى.
جيىنتىق كوەففيسيەنتى (تجك) – رەسپۋبليكا بويىنشا 2023 جىلى بۇكىل رەپرودۋكتيۆتى كەزەڭ ىشىندە (15-49 جاس) ورتا ەسەپپەن ءبىر ايەلدەن تۋعان بالالاردىڭ سانى 2،96 (2022ج. – 3،05) قۇرادى، قالالىق جەردە – 2،63 (2022ج. – 2،76)، اۋىلدىق جەردە – 3،59 (2022ج. – 3،59).
وڭىرلىك بولىنىستە تجك ەڭ جوعارى دەڭگەيى تۇركىستان (4،39)، ماڭعىستاۋ (3،99) وبلىستارىندا، ال ەڭ تومەنگى دەڭگەي – سولتۇستىك قازاقستان وبلىسىندا (1،82) تىركەلدى.
تۋىلعان بالالاردىڭ 23% – 90،7 مىڭى وتباسىندا ەكىنشى بالا بوپ تۋعان، وتباسىندا سەگىزىنشى بالا بولعانداردىڭ سانى 1 مىڭنان استام.
بىلتىر 4 075 (2022 ج. – 4 063) ەگىزدەر دۇنيەگە كەلسە، 48 (2022 ج. – 50) ۇشەم جارىق دۇنيە ەسىگىن اشقان. جالپى تورتەم دۇنيەگە الىپ كەلۋ بويىنشا ءبىر وقيعا تىركەلگەن.