بۇگىن تاعى 200-دەن اسا ادام قوسىلىپ، جۇمىس ىستەپ جاتقانداردىڭ سانى 850-دەن استى.
شاھاردىڭ ورتالىق جىلۋ جەلىسى تۇتاستاي ىسكە قوسىلدى. ەندىگى جۇمىس ۇيلەردىڭ كىرەبەرىسى مەن جەرتولەسىندە، پاتەر ىشىندە ءجۇرىپ جاتىر، دەپ حابارلايدى Almaty-akshamy.kz.
جوندەۋ بريگادالارىنىڭ ءبىرىن ابىلسەيىت ابۋباكىروۆ باسقارادى. ونىڭ قاراماعىنداعى 34 ادام 3 توپقا بولىنگەن. ولار قاتىپ قالعان قۇبىرلاردى قىزدىرىپ، جارىلعان باتارەيالاردى الماستىرۋعا جاردەمدەسىپ ءجۇر. بريگادا سوڭعى پاتەرگە جىلۋ بەرىلگەنگە دەيىن كەنشىلەر قالاسىندا بولماق.
«ارينە، اياعىنا دەيىن بولامىز. مىنا جۇمىستاردى بىتىرمەي، ءبىز ەشقايدا كەتپەيمىز. سۋدى، جىلۋدى بەرىپ، حالىقپەن بىرگە وسىندامىز. ءبىز بۇندا 29 قاراشادان بەرى ءجۇرمىز»، - دەيدى جوندەۋ بريگاداسىنىڭ جەتەكشىسى ابىلسەيىت ابۋباكىروۆ.