ەكىباستۇز جەو-دا 6 قازاندىق اگرەگاتى جۇمىس ىستەپ تۇر، تاعى 4-ەۋى رەزەرۆتە، بۇل – قالاداعى توتەنشە جاعداي سالدارىن جويۋ جونىندەگى جەدەل شتابتىڭ 3 جەلتوقسان ساعات 13.00-دەگى جاعداي بويىنشا جاريالاعان اقپاراتى، دەپ حابارلايدى Almaty-akshamy.kz Inform.kz-كە سىلتەمە جاساپ.
اپاتتىق-قالپىنا كەلتىرۋ جۇمىستارىنا بارلىعى 298 ادام جانە 53 تەحنيكا جۇمىلدىرىلعان.
قازىرگى تاڭدا:
1) ساتپايەۆ كوشەسى 8/3 مەكەنجايىندا – كارىز جۇيەسىن جىلىتۋ؛
2) ءماشھۇر ءجۇسىپ كوشەسى 46 مەكەنجايىندا – جىلۋ جۇيەسىنەن سۋ اعىزۋ؛
3) ءماشھۇر ءجۇسىپ كوشەسى 42 مەكەنجايىندا – جەرتولەنى جىلىتۋ؛
4) ساتپايەۆ كوشەسى 8 مەكەنجايىندا – پاتەرلەردى تەكسەرىپ شىعۋ؛
5) ساتپايەۆ كوشەسى 8 مەكەنجايىندا – پوليسيا بەكەتىن جىلىتۋ جۇمىستارى جۇرگىزىلىپ جاتىر.
27 قاراشادان باستاپ جوندەۋ جۇمىستارىن جۇرگىزۋ بارىسىندا 48 كوپپاتەرلى جانە 28 جەكە ۇيدە جىلۋمەن جابدىقتاۋ قالپىنا كەلتىرىلدى. 28 تۇرعىن ءۇي جانە 72 جەكە ءۇي، 3 ءبىلىم بەرۋ نىسانى جانە 1 اكىمشىلىك عيمارات جىلۋمەن جابدىقتالماعان.
ەكىباستۇزدىڭ جىلىتۋ پۋنكتىلەرىنە بارلىعى 213 ادام ورنالاستىرىلدى: ونىڭ 6-اۋى – بالا.