الماتى تاۋلارىندا قار كوشكىنى ءجۇرۋ ءقاۋپى بار، دەپ حابارلايدى Almaty-akshamy.kz Inform.kz-كە سىلتەمە جاساپ.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، تاۋلى ايماقتاردا قار جامىلعىسى تۇراقسىز، قاردىڭ قالىڭ (كەيبىر جەرلەردە 100-120 سم) بولۋىنا بايلانىستى تاۋ بەتكەيلەرىندە كوشكىن ءجۇرۋ ءقاۋپى بار.
«تۇرعىنداردىڭ قاۋىپسىزدىگىن قامتاماسىز ەتۋ ماقساتىندا «كازسەلدەنقورعاۋ» ماماندارى «مەدەۋ» بوگەتىنەن جوعارى شىمبۇلاق - ەدەلۆەيس تاسجولىنىڭ بولىگىندە بلوك بەكەتتەر ورناتتى. تاۋلى ايماقتارداعى قار كوشكىندەرى - اسا ءقاۋىپتى تابيعي قۇبىلىس. قار كوشكىندەرىنىڭ ماكسيمالدى جىلدامدىعى ساعاتىنا 80 شاقىرىمعا دەيىن جەتۋى مۇمكىن»، - دەلىنەدى تجد حابارلاماسىندا.
سونداي-اق، تجد مالىمەتىنشە، 24 قاراشادان باستاپ الماتى تاۋلارىندا 14 رەت وزدىگىنەن تۇسكەن قار كوشكىنى تىركەلدى. زارداپ شەككەندەر بولعان جوق.
«ماماندار پروفيلاكتيكالىق ءتۇسىرۋدى «قازگيدرومەت» رمك ۇسىنىمدارى نەگىزىندە، اۋا رايى قولايلى بولعان جاعدايدا جۇرگىزەدى. «قازگيدرومەت» رمك جانە «قازسەلدەنقورعاۋ» مم بەكەتتەرى قار كوشكىنى جاعدايىنا تۇراقتى مونيتورينگ جاساپ وتىر. الماتى وڭىرىندە 165 كوشكىن القابى بار، ونىڭ 18ء-ى «مەدەۋ» سپورت كەشەنى، «شىمبۇلاق» تاۋ-شاڭعى كۋرورتى جانە ۇلكەن الماتى كولى اۋداندارىندا ورنالاسقان»، - دەپ حابارلادى قالالىق تجد-دان.
الماتى قالالىق تجد قالا تۇرعىندارى مەن قوناقتارىن تاۋلى بەتكەيلەرگە شىعۋدان باس تارتۋدى سۇرادى.