ادامدارعا شۇعىل كومەك ۋاقتىلى كورسەتىلىپ جاتىر
بۇگىن ساعات 18:00-دە ەكىباستۇزدا № 52 ورتالىق جىلۋ پۋنكتىنىڭ جىلۋ جەلىلەرىندەگى زاقىمدانۋدى جويۋ جانە جاپقىشتى اۋىستىرۋ ءۇشىن جىلۋ جەلىلەرىنىڭ ماگيسترالى اجىراتىلدى، دەپ حابارلايدى Almaty-akshamy.kz.
«ەكىباستۇز قالاسىنداعى اپاتتىق جاعدايدى جويۋ بويىنشا جەدەل شتابتىڭ مالىمەتىنشە، 30 قاراشادا ساعات 18:00-دەگى جاعداي بويىنشا جىلۋ تاسىمالداعىشتى جىبەرۋ تەمپەراتۋراسى 93º س (قالىپتى جاعدايدا – 84º س)، كەرى قايتارۋ – 60º س (قالىپتى جاعدايدا -56º س)؛ سىرتقى اۋا تەمپەراتۋراسى-19 º س. 17 كوپپاتەرلى تۇرعىن ءۇي، ەكى الەۋمەتتىك نىسان جانە ءبىر اكىمشىلىك عيمارات جىلۋدان اجىراتىلسا، 32 كوپپاتەرلى تۇرعىن ءۇي جانە 72 جەكە تۇرعىن ءۇي №52 ورتالىق جىلۋ پۋنكتىنە (وجپ-52) قوسىلعان»، - دەپ حابارلادى جۋرناليستەرگە پاۆلودار وبلىسى اكىمىنىڭ باسپا ءسوز قىزمەتى.
ەكىباستۇز جەو-دا التى قازاندىق اگرەگاتى (№ 6،8،9،12،14،15) جۇمىس ىستەپ تۇر، تاعى ءتورت قازاندىق اگرەگاتى (№ 5،7،11،13) رەزەرۆتە. جەلىلىك سۋمەن جابدىقتاۋ ساعاتىنا 1200 توننادان 750 تونناعا دەيىن تومەندەدى (قالىپتى جاعدايدا – ساعاتىنا 400 توننا). «30 قاراشادا ساعات 18:00-دە وجپ-52 جىلۋ جەلىلەرىندەگى زاقىمدانۋدى جويۋ جانە جاپقىشتىاۋىستىرۋ ءۇشىن جىلۋ جەلىلەرىنىڭ ماگيسترالى اجىراتىلدى. 149 كوپقاباتتى ءۇي مەن 114 جەكە ءۇي جىلۋمەن جابدىقتاۋدان اجىراتىلدى»، - دەپ تولىقتىردى اكىمدىك. اپاتتىق-قالپىنا كەلتىرۋ جۇمىستارىنا 256 ادام جانە 43 تەحنيكا جۇمىلدىرىلدى. جوندەۋ بريگادالارى تاۋلىك بويى جۇمىس ۇيىمداستىرىلدى.
27 قاراشادان باستاپ ەكىباستۇزدىڭ ءبىلىم بەرۋ نىساندارى قاشىقتان وقىتۋ فورماتىنا اۋىستىرىلدى، بالاباقشالاردىڭ جۇمىسى توقتاتىلدى.
وبلىستىق اكىمدىكتىڭ مالىمەتىنشە، ادامدارعا شۇعىل كومەك ۋاقتىلى كورسەتىلىپ جاتىر.
«ەمدەۋ مەكەمەلەرىندەگى تەمپەراتۋرالىق رەجيم سانيتارلىق نورمالارعا سايكەس 18-24ºس شەگىندە ساقتالادى. ەكىباستۇز قالالىق اۋرۋحاناسىندا 255 پاسيەنت (ونىڭ 75ء-ى – بالا)، ونىڭ ىشىندە پەرزەنتحانادا – 65 پاسيەنت (ونىڭ ىشىندە 28 بالا) جاتىر. قالا تۇرعىندارى ءۇشىن 14 جىلىتۋ پۋنكتى اشىلدى»، - دەپ ناقتىلادى باسپا ءسوز قىزمەتى.