16 ماۋسىمداعى جاعداي بويىنشا 161 مىڭ اۆتوكولىك زاڭداستىرىلدى
تىركەۋدى كۇتىپ وتىرعان تاعى 13 مىڭنان استامى بار، دەپ حابارلايدى Almaty-akshamy.kz.
ق ر ءىىم اكىمشىلىك پوليسيا كوميەتىنىڭ مالىمەتىنشە، سونداي-اق 22 مامىردان باستاپ 7 مىڭعا جۋىق اۆتوكولىك-كونسترۋكتور قازاقستاندىق ەسەپكە قويىلدى.
«وزدەرىڭىز بىلەتىندەي، زاڭداستىرۋ اياقتالعانعا دەيىن ەكى اپتا قالدى. كوپتەگەن ازاماتتار ءوز كولىكتەرىن زاڭداستىرۋعا ۇلگەرمەي قالۋىمىز مۇمكىن دەگەن الاڭداۋشىلىق بىلدىرۋدە. وسىعان بايلانىستى اعىمداعى جىلدىڭ 1 شىلدەسىنە دەيىن ءوتىنىم بەرگەن قازاقستاننىڭ بارلىق ازاماتتارىنا كورسەتىلگەن مەرزىمنەن كەيىن اۆتوكولىكتەرتەردى زاڭداستىرۋ قۇقىعى بەرىلەتىنىن حابارلاعىم كەلەدى»، - دەدى ءىىم اكىمشىلىك پوليسيا كوميتەتىنىڭ ءتوراعاسى قايسار سۇلتانبايەۆ.
ال ەۋرازيالىق ەكونوميكالىق وداق ەلدەرىندە بۇرىنعى تىركەلگەن جەرى بويىنشا ەسەپتەن شىعارىلماي، تيىسىنشە زاڭداستىرىلماعان تەمىر تۇلپارلار ەل اۋماعىندا 5 جىل مەرزىمگە ۋاقىتشا ەسەپكە قويىلادى.
«اعىمداعى جىلدىڭ 1 شىلدەسىنەن باستاپ زاڭداستىرۋعا وتىنىمدەردى قابىلداۋ توقتاتىلادى جانە زاڭداستىرۋ مەرزىمى ۇزارتىلمايتىنىن ەسكەرتەمىز. ودان كەيىن شەتەلدىك ەسەپتە تۇرعان اۆتوكولىكتەردى قازاقستان رەسپۋبليكاسىنىڭ زاڭ تالاپتارىن بۇزىپ پايدالانۋدى جالعاستىرعان ازاماتتارعا ءتيىستى شارالار قابىلدانادى»، - دەپ تۇيىندەدى اكىمشىلىك پوليسيا كوميتەتىنىنىڭ ءتوراعاسى.