رەيستەردى كەشىكتىرگەن اۆياكومپانيالار جاۋاپكەرشىلىككە تارتىلدى
رەيستى كەشىكتىرگەنى ءۇشىن «ەير استانا» اۋەكومپانياسىنا 3 ميلليون تەڭگە ايىپپۇل سالىندى، دەپ حابارلايدى Almaty-akshamy.kz.
قازىرگى ۋاقىتتا ازاماتتىق اۆياسيا كوميتەتى رەيستەردى كەشىكتىرۋ كەزىندە جولاۋشىلاردىڭ قۇقىقتارىن بۇزعانى ءۇشىن اۆياتاسىمالداۋشىلاردى جاۋاپكەرشىلىككە تارتۋ بويىنشا جۇمىستى جالعاستىرۋدا.
2022 جىلعى 16 شىلدەدە «ەير استانا» اۋەكومپانياسىنىڭ الماتى – نۇر-سۇلتان باعىتى بويىنشا كس-853 رەيسى رەزەرۆتىك ۇشۋ ەكيپاجىن كۇتۋ سەبەبىنەن 27 ساعات 21 مينۋتقا كەشىكتىرىلگەن. رەيستىڭ كەشىگۋى كەزىندە جولاۋشىلارعا قولدانىستاعى زاڭنامادا قاراستىرىلعان قىزمەتتەر ۇسىنىلماعان.
«وسىعان بايلانىستى، 6 قىركۇيەكتە «ەير استانا» اۋەكومپانيالارىنا قاتىستى رەيستىڭ كەشىگۋى كەزىندە جولاۋشىلاردىڭ قۇقىقتارىن بۇزعانى ءۇشىن 3 063 000 تەڭگە كولەمىندە ايىپپۇل سالىندى. وسىلايشا، اعىمداعى جىلدىڭ شىلدە ايىنان باستاپ «ەير استانا» اۋەكومپانياسىنا (قۇرىلىمدىق بولىمشەسى «Fly Arystan» اۋەكومپانياسى بولىپ تابىلادى) قاتىستى جالپى سوماسى 21 441 000 تەڭگە جەتى ايىپپۇل سالىندى»، - دەپ كورسەتتى ازاماتتىق اۆياسيا كوميتەتى.
اتالعان كەزەڭدە قازاقستاندىق اۆياكومپانيالار سەگىز رەت 8 000 اەك سوماسىنا اكىمشىلىك جاۋاپكەرشىلىككە تارتىلدى.