الماتىدا جوق پاتەرلەردى جالعا بەرگەن تاعى ءبىر الاياق ۇستالدى

كليەنتتەرمەن كەلىسسوزدەر تەك تەلەفون ارقىلى جۇرگىزىلگەن

كۇدىكتىنى قالالىق كريمينالدىق پوليسيا قىزمەتكەرلەرى المالى اۋداندىق پب-نا قاراستى پوليسيا بولىمىندەگى ارىپتەستەرىنىڭ كومەگىمەن ۇستادى، دەپ حابارلايدى Almaty-akshamy.kz.

«24 جاستاعى ا.ەسىمدى ايەل پايدا تابامىن دەپ پاتەرلەردى نارىقتان تومەن باعادا جالعا بەرۋ تۋرالى جالعان حابارلاندىرۋلار جاريالاعان. كليەنتتەرمەن كەلىسسوزدەر تەك تەلەفون ارقىلى جۇرگىزىلدى جانە ولاردى ءوزىنىڭ نيەتتىنىڭ تازالىعىنا كوز جەتكىزىپ، الدىن الا تولەمدى بانك كارتاسىنا اۋدارۋدى ۇسىندى. جابىرلەنۋشىلەر اقشا اۋدارعاننان كەيىن ايەل بىردەن ۇيالى تەلەفونىن ءوشىرىپ تاستاعان. قازىرگى تاڭدا كۇدىكتىگە قاتىستى ق ر قك-نىڭ 190-بابى بويىنشا سوتقا دەيىنگى تەرگەۋ امالدارى جۇرگىزىلۋدە. قازىرگى ۋاقىتتا بىرنەشە زارداپ شەككەندەر انىقتالدى. الايدا ولاردىڭ سانى الدەقايدا كوپ بولۋى مۇمكىن»، – دەيدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ. 

ناعىز جارنامانى الاياقتىقتان اجىراتۋ ءۇشىن پوليسيا، ۇسىنىلاتىن قىزمەتتەر مەن تاۋارلاردىڭ ءتۇپنۇسقالىعىن تەكسەرۋدى ۇسىنادى. كۇدىكتى كەلىسسوزدەردەن اۋلاق بولىڭىز. الدىن الا تولەم جاساماڭىز جانە ولاردىڭ ءتۇپنۇسقالىعىن تەكسەرگەننەن كەيىن قىزمەتتەرگە اقى تولەڭىز.