ەلەكتروندىق مەملەكەتتىك قىزمەتتەردى ەڭ كوپ پايدالانۋشىلار قاراعاندى وبلىسىنىڭ تۇرعىندارى بولدى.
ۇزدىك ۇشتىككە الماتى (پايدالانۋشىلاردىڭ 36،4%) جانە شىعىس قازاقستان (پايدالانۋشىلاردىڭ 35،7%) وبلىستارى دا كىردى، دەپ حابارلايدى Almaty-akshamy.kz Finprom.kz-كە سىلتەمە جاساپ.
ۇلتتىق ستاتيستيكا بيۋروسىنىڭ ساۋالناماسىنا سايكەس، 2021 جىلى ءۇي شارۋاشىلىعىنداعىلاردىڭ 26،7%-ى ەلەكتروندىق مەملەكەتتىك قىزمەتتەردى پايدالانعان، بۇل ءبىر جىل بۇرىنعىدان 4،1 پايىز از. 2021 جىلدىڭ ناتيجەسى قازاقستاندا سيفرلاندىرۋدىڭ دامۋىنا قاراماستان، سوڭعى بەس جىلداعى ەڭ تومەنگى كورسەتكىش بولدى.
سالىستىرمالى تۇردە ايتار بولساق، 2020 جىلى بۇل كورسەتكىش 30،8%، 2019 جىلى – 30،4%، 2018 جىلى – 34،6%، 2017 جىلى – 33،2%-دى قۇرادى.
وڭىرلەر بويىنشا ايتساق، ەلەكتروندى مەملەكەتتىك قىزمەتتەردى ەڭ بەلسەندى پايدالانۋشىلار قاراعاندى وبلىسىنىڭ تۇرعىندارى بولدى: رەسپوندەنتتەردىڭ 43،1%-ى قىزمەتتەردى پايدالاندى.
ۇزدىك ۇشتىككە الماتى (پايدالانۋشىلاردىڭ 36،4%) جانە شىعىس قازاقستان (پايدالانۋشىلاردىڭ 35،7%) وبلىستارى دا كىردى.
ەلەكتروندىق مەملەكەتتىك قىزمەتتەردى ەڭ از پايدالاناتىن ءوڭىر – ماڭعىستاۋ وبلىسىنىڭ تۇرعىندارى. سونداي-اق جامبىل وبلىسى مەن شىمكەنت قالاسى دا وسى قاتارعا كىردى.
eGov.kz سايتىنداعى ەڭ تانىمال قىزمەت ۇكىمەت سايتى ارقىلى اقپارات الۋ بولدى. قىزمەتتى رەسپوندەنتتەردىڭ 22،3%-ى پايدالاندى.