ەندى قازاقستاندىقتار بۇرىن العان كوللەدج ديپلومدارى مەن مەكتەپ اتتەستاتتارىن eGov.kz پورتالىندا سيفرلاندىرا الادى، - دەپ حابارلايدى aqshamnews.kz
"ۇلتتىق اقپاراتتىق تەحنولوگيالار" مالىمەتىنە سايكەس، eGov.kz پورتالىندا ءبىلىم تۋرالى قۇجاتتاردى سيفرلاندىرۋعا ارنالعان قىزمەت قولجەتىمدى.
"ەندى ازاماتتار تەك قاتە دەرەكتەردى تۇزەتىپ قانا قويماي، قۇجاتتىڭ سيفرلىق نۇسقاسىن جاساۋعا ءوتىنىش بەرە الادى. قىزمەت تەك بۇرىن الىنعان ديپلومنىڭ نەمەسە اتتەستاتتىڭ سكانەرلەنگەن كوشىرمەسى بولعان جاعدايدا عانا قولجەتىمدى"، - دەلىنگەن حابارلامادا.
"ءبىلىم تۋرالى قۇجاتتارداعى مالىمەتتەردى جاڭارتۋ (تۇزەتۋ)" مەملەكەتتىك قىزمەتى كەڭەيتىلگەن. بۇرىن بۇل قىزمەت تەك قاتە مالىمەتتەردى تۇزەتۋگە مۇمكىندىك بەرسە، ەندى ءبىلىم تۋرالى قۇجاتتاردى سيفرلاندىرۋعا ءوتىنىش بەرۋ مۇمكىندىگى قوسىلعان.
قىزمەتتى پايدالانۋ ءۇشىن:
eGov.kz پورتالىندا اۆتوريزاسيادان ءوتىپ، "ازاماتتارعا" - "ءبىلىم" ءبولىمىن تاڭداۋ كەرەك؛
"ءبىلىم تۋرالى قۇجاتتارداعى مالىمەتتەردى وزەكتەندىرۋ (تۇزەتۋ)" قىزمەتىن تاڭداپ، "ونلاين سۇراۋ" باتىرماسىن باسۋ قاجەت؛
"ءبىلىم تۋرالى قۇجاتتار تۋرالى اقپاراتتى سيفرلاندىرۋ" قىزمەتىن تاڭداپ، ءبىلىم تۋرالى قۇجاتتىڭ ءتۇرىن كورسەتىپ، قۇجاتتىڭ سكانەرلەنگەن كوشىرمەسىن تىركەۋ كەرەك؛
قىزمەتتىڭ ناتيجەسى پايدالانۋشىنىڭ جەكە كابينەتىندە "قىزمەتتەردى الۋ تاريحى" بولىمىندە قولجەتىمدى بولادى.
"قۇجاتتاردى سيفرلاندىرۋ كەزەڭ-كەزەڭمەن جۇزەگە اسىرىلادى. قازىرگى ۋاقىتتا 1980 جىلدان 2023 جىلعا دەيىن بەرىلگەن ورتا ءبىلىم، تەحنيكالىق جانە كاسىبي ءبىلىم بەرۋ قۇجاتتارى سيفرلاندىرۋعا جاتادى. قىزمەتتى كورسەتۋ ۋاقىتى – 5 جۇمىس كۇنىن قۇرايدى".
ۇسىنىلعان قۇجاتتار نەمەسە دەرەكتەر قاتە بولعان جاعدايدا قىزمەت كورسەتۋدەن باس تارتۋ مۇمكىن.