بار ماسەلەنى جەدەل تۇردە شەشۋ قاجەتتىگى ايتىلدى.
2022 جىلى 17 ناۋرىزدا قازاقستاننىڭ اۋىل شارۋاشىلىعى ءمينيسترى ەربول قاراشوكەيەۆتىڭ توراعالىعىمەن كوكتەمگى دالا جۇمىستارىن جۇرگىزۋ ماسەلەلەرى جونىندەگى جەدەل شتابتىڭ كەزەكتى وتىرىسى ءوتتى، دەپ حابارلايدى Almaty-akshamy.kz.
«ءىس-شاراعا شتاب مۇشەلەرى - ۆەدومستۆونىڭ قۇرىلىمدىق بولىمشەلەرىنىڭ باسشىلارى، قالالار مەن وبلىستار اكىمدەرىنىڭ ورىنباسارلارى، كۆازيمەملەكەتتىك سەكتور مەن ازاماتتىق قوعام وكىلدەرى قاتىستى. شتاب مۇشەلەرى كوكتەمگى دالا جۇمىستارىنا دايىندىق بارىسىن، سونداي-اق الەۋمەتتىك ماڭىزى بار ازىق-تۇلىك تاۋارلارىمەن قامتاماسىز ەتۋدى قاراستىردى»، - دەلىنگەن اشم باسپا ءسوز قىزمەتىنىڭ حابارلاماسىندا.
ۆەدومستۆو باسشىسى ءوز سوزىندە تۇراقتاندىرۋ قورلارىنا ەگىن ەگۋگە دايىندىق جانە اۋىل شارۋاشىلىعى ونىمدەرىن ساتىپ الۋ ماسەلەلەرى ەرەكشە باقىلاۋدا ەكەنىن اتاپ ءوتتى.
«پرەزيدەنت قاسىم-جومارت توقايەۆ ءوزىنىڭ قازاقستاندىقتارعا جولداۋىندا كوكتەمگى ناۋقاندى ساپالى وتكىزۋ ۇكىمەت پەن اكىمدىكتەردىڭ باسىمدىعى بولىپ تابىلاتىنىن اتاپ ءوتتى، اگرارشىلاردىڭ بارلىق قاجەتتىلىكتەرىن تولىق قامتاماسىز ەتۋ قاجەت»، - دەدى ەربول قاراشوكەيەۆ.
اۋىل شارۋاشىلىعىنىڭ ءبىرىنشى ۆيسە-مينيسترى ايداربەك ساپاروۆ وڭىرلەردىڭ كوكتەمگى دالا جۇمىستارىن جۇرگىزۋگە دايىندىعى تۋرالى اقپاراتپەن تانىستىردى.
ونىڭ ايتۋىنشا، 2022 جىلعا ەگىس القاپتارىنىڭ قۇرىلىمى قالىپتاسقان، جالپى ەگىس الاڭى 23،1 ملن گا قۇرايدى، بۇل وتكەن جىلدىڭ كورسەتكىشىنەن 125 مىڭ گا ارتىق. اۋىل شارۋاشىلىعى تەحنيكاسى 95% جۇمىسقا دايىن. 400 مىڭ توننا كولەمىندە ديزەل وتىنى ءبولىندى، بۇل وتكەن جىلمەن سالىستىرعاندا 20 مىڭ تونناعا ارتىق، تۇقىم سەبۋ جوسپاردان 100% جۇزەگە اسىرىلدى.
اعىمداعى جىلى شامامەن 659 مىڭ توننانى ەنگىزۋ جوسپارلانعان، بۇل وتكەن جىلمەن سالىستىرعاندا 32،2 مىڭ تونناعا ارتىق.
ەگىس ناۋقانىن قارجىلاندىرۋدى ارتتىرۋ ماسەلەسى وڭ شەشىمىن تاپتى، «كەڭدالا» باعدارلاماسى بويىنشا 70 ملرد تەڭگە جانە ازىق-تۇلىك كورپوراسياسى ارقىلى 80 ملرد تەڭگە «اگرارلىق نەسيە كورپوراسياسى» ارقىلى تاعى 70 ملرد تەڭگە بولىنەدى.
ءوز كەزەگىندە شتاب مۇشەلەرى - قالالار مەن وبلىستار اكىمدەرىنىڭ ورىنباسارلارى تەحنيكانىڭ دايىندىعى، قوسالقى بولشەكتەردىڭ، ديزەل وتىنىنىڭ بولۋى، تۇقىم سەبۋ، وسىمدىكتەردى قورعاۋ، تىڭايتقىشتاردىڭ بولۋى جانە فەرمەرلەردىڭ كوكتەمگى ناۋقانعا دايىندىعىنىڭ باسقا دا ماسەلەلەرى تۋرالى حاباردار ەتتى.
«اۋىل شارۋاشىلىعى قۇرىلىمدارىمەن تۇراقتى جۇمىس جۇرگىزۋ، پروبلەمالىق ماسەلەلەردى دەر كەزىندە انىقتاۋ جانە ولارعا دەن قويۋ قاجەت. كوكتەمگى دالا جۇمىستارىن قارجىلاندىرۋ جانە تەحنيكانى ليزينگكە بەرۋ ماسەلەلەرىن جەدەل شەشۋ. قازىرگى جاعدايدا شەكتەن تىس بيۋروكراتيا مەن اۋرە-سارساڭعا سالۋعا جول بەرىلمەيدى»، - دەپ اتاپ ءوتتى ەربول قاراشوكەيەۆ.
سونىمەن قاتار، مەملەكەت باسشىسىنىڭ تاپسىرماسىنا سايكەس، اكىمدىكتەر تۇراقتاندىرۋ قورلارىن قالىپتاستىرۋ جانە وتاندىق اۋىل شارۋاشىلىعى تاۋارىن وندىرۋشىلەر مەن قايتا وڭدەۋ كاسىپورىندارىن فورۆاردتىق قارجىلاندىرۋعا «اينالىم سحەماسىن» قالىپتاستىرۋ شەڭبەرىندە كوزدەلگەن اقشا قاراجاتىنىڭ ءبىر بولىگىن باعىتتاۋ بويىنشا جۇمىستى جانداندىرۋى قاجەت.
بۇل شارا وتاندىق وندىرۋشىلەردى قولداۋعا، اسىرەسە، شقب كەزىندە، سونداي-اق اۋىل شارۋاشىلىعى تاۋارىن وندىرۋشىلەرگە وتكىزۋ نارىقتارىنا قول جەتكىزۋگە، ءونىمدى ساتىپ الۋ جانە وتكىزۋ جۇيەسىن رەتتەۋگە مۇمكىندىك بەرەدى.
سونداي-اق، مينيستر مەملەكەت باسشىسىنىڭ تاپسىرماسى بويىنشا سالانى مەملەكەتتىك قولداۋ جۇيەسىن تۇزەتۋ جۇمىستارى جۇرگىزىلىپ جاتقانىن ايتتى.
بۇعان قوسا، اعىمداعى احۋالدى جانە ونىڭ دامۋ ۇردىستەرىن كەشەندى تالداۋدى نەگىزگە الا وتىرىپ، سۋبسيديالاۋدىڭ جاڭا تەتىگىن ەنگىزۋ ماسەلەسىن كەلەسى جىلعا دەيىن كەيىنگە قالدىرۋ جانە اعىمداعى جىلى اوك-نى قولدانىستاعى قاعيدالار بويىنشا مەملەكەتتىك قولداۋدى جۇزەگە اسىرۋ تۋرالى شەشىم قابىلداندى.
«سونىمەن قاتار، وتاندىق اگروونەركاسىپتىك كەشەننىڭ تۇراقتىلىعىن ساقتاۋ قاجەتتىلىگىن ەسكەرە وتىرىپ، مەملەكەتتىك قولداۋدى ساقتاپ قانا قويماي، كۇشەيتۋ تۋرالى شەشىم قابىلداندى»، - دەدى ەربول قاراشوكەيەۆ.
سۋبسيديالاۋدىڭ جاڭا ەرەجەلەرىن ازىرلەۋ پروسەسى جالعاسىپ جاتىر، الداعى ءۇش جىلدىق بيۋدجەتتىڭ پارامەترلەرىن جوسپارلاۋ كەزىندە نەگىزگە الىناتىن تۇجىرىمدامالىق ساتتەر ازىرلەنەدى جانە كەلىسىلەدى.
ءسوز سوڭىندا ەربول قاراشوكەيەۆ جالپى دايىندىق بار ەكەنىن، الايدا اكىمدىكتەر دەرەكتەردى قايتا تەكسەرىپ، پروبلەمالىق ماسەلەلەردى انىقتاعان كەزدە، ولاردى جەدەل تۇردە شەشۋ قاجەتتىگىن اتاپ ءوتتى.