ەگىس القاپتارىن ارتىق ىلعالدان 14 شىلدەگە دەيىن ساقتاندىرۋعا بولادى - ق ر اشم
قۇرعاقشىلىقپەن قاتار، تىم كوپ جاۋىن-شاشىن دا وسىمدىك شارۋاشىلىعىنا تەرىس اسەر ەتۋى مۇمكىن. ارتىق ىلعالدىلىق استىقتىڭ ساپاسىنا اسەر ەتەدى. جاڭبىر ەگىن جيناۋدى قيىنداتىپ، كەپتىرۋدىڭ شىعىندارىن ارتتىرادى، دەپ حابارلادى Almaty-akshamy.kz اشم تاراتقان حابارىنا سىلتەمە جاساپ.
وسىمدىك شارۋاشىلىعىنداعى ساقتاندىرۋ ونىمدەرى، مال شارۋاشىلىعىنداعى ونىمدەرگە قاراعاندا، قىزمەتىنىڭ ەرەكشەلىگىنە بايلانىستى شەكتەۋلى مەرزىمدەرگە يە.
ناقتى ايتقاندا، ەگىس القابىن توپىراقتاعى ارتىق ىلعالدان يندەكستىك ساقتاندىرۋ 2021 جىلدىڭ 15 تامىزىنان 14 قازانىنا دەيىنگى ساقتاندىرۋ كەزەڭىندە ىسكە اسىرىلادى. بيىل توپىراقتاعى ىلعالدىڭ ارتىق بولۋىنان ساقتاندىرۋ شارتتارىن Qoldau.kz سايتىنداعى Agroinsurance اقپاراتتىق جۇيەسى ارقىلى 14 شىلدەگە دەيىن جاساۋ قاجەت.
توپىراقتاعى ارتىق ىلعال يندەكسى بويىنشا ساقتاندىرۋ شارتتارىن جاساساتىن فەرمەرلەر مەملەكەتتىك قولداۋعا يە بولادى. بۇل – ساقتاندىرۋ سىياقىلارىنىڭ ءبىر بولىگىن 50% مولشەرىندە سۋبسيديالاۋ. ياعني، فەرمەرلەر ساقتاندىرۋ شىعىنىنىڭ جارتىسىن عانا تولەيدى.
ساقتاندىرۋعا ءداندى (بيداي، ارپا، س ۇلى) جانە مايلى (كۇنباعىس، جۇگەرى، راپس، زىعىر) داقىلدار جاتادى. ول ءۇشىن فەرمەر جەكە كابينەتىنە كىرىپ ءوز الاڭدارىن كورسەتىپ، ساقتاندىرۋ كومپانياسىن انىقتاۋى ءتيىس. سونىمەن قاتار، ساقتاندىرۋ سىياقىسىن تولەپ، سۋبسيدياعا ءوتىنىم بەرۋى قاجەت.
ەگەر ساقتاندىرۋ جاعدايى تۋىنداسا، پايدالانۋشىنىڭ جەكە كابينەتىنە حابارلاما كەلەدى. ال ەلەكتروندىق سيفرلىق قولتاڭبانىڭ كومەگىمەن فەرمەر تولەم جاساۋ وتىنىشىنە قول قويادى. مۇندا ول تولەنەتىن سومانى كورە الادى. وسىدان كەيىن ونىڭ شوتىنا ساقتاندىرۋ تولەمى اۋدارىلادى.
توپىراقتىڭ ارتىق ىلعالىنا نەگىزدەلگەن ساقتاندىرۋ ءونىمى بويىنشا ەكى دەڭگەيلى تولەم قاراستىرىلعان. ولار ساقتاندىرۋ قۇنىنىڭ 5% جانە 15% مولشەرى. ساقتاندىرۋ قۇنىنان تولەمنىڭ جالپى مۇمكىن پايىزى 20%. بۇل رەتتە ساقتاندىرۋ ءتاريفى 2،43%-دى قۇرايدى.
وتكەن جىلدىڭ تاجىريبەسى كورسەتكەندەي، جازدا قۇرعاقشىلىق بولعانمەن، كۇزدەگى ەگىن جيناۋ ناۋقانى كەزىندەگى جاۋىن-شاشىننىڭ سالدارىنان توپىراقتاعى ىلعال ارتىپ كەتۋى مۇمكىن. مىسالى، وتكەن جىلى شقو شەمونايحا اۋدانىندا ەگىس القابىن ساقتاندىرعان فەرمەرلەردىڭ ءبىرى قۇرعاقشىلىق پەن توپىراقتاعى ارتىق ىلعالدان ساقتاندىرۋ تولەمدەرىن الدى. ونىڭ ەكى شارتى بويىنشا ساقتاندىرۋ تولەمى 9،7 ملن تەڭگەنى قۇرادى.
ەستەرىڭىزگە سالا كەتەيىك، 30 مامىرعا دەيىن 2021 جىلعا ارنالعان توپىراق ىلعالىنىڭ تاپشىلىعىنان ساقتاندىرۋ شارتتارى جاسالعان بولاتىن. جەتى ءوڭىر مەن ەلوردادا 121،3 مىڭ گەكتار جەر ساقتاندىرىلدى. بۇگىندە فەرمەرلەر توپىراق ىلعالى تاپشىلىعىنىڭ يندەكستىك ساقتاندىرۋ شارتتارى بويىنشا العاشقى ساقتاندىرۋ تولەمدەرىن الىپ جاتىر.
ماسەلەن، قۇرعاقشىلىقتان ساقتاندىرۋ جونىندە جاسالعان 32 شارت بويىنشا تولەمنىڭ ءبىرىنشى كەزەڭىندە 39 مىڭ گەكتار ەگىس القابىن ساقتاندىرعان اقمولا، شىعىس قازاقستان، قوستاناي، پاۆلودار، سولتۇستىك قازاقستان وبلىستارىنىڭ فەرمەرلەرى ساقتاندىرۋ تولەمدەرىن الادى. ساقتاندىرۋ كومپانيالارى ولارعا 190،5 ملن تەڭگە تولەيدى.
وسى شارتتار بويىنشا ساقتاندىرۋ سىياقىسى 319 ملن تەڭگەنى قۇرادى، ونىڭ ىشىندە 159،5 ملن تەڭگەنى اگرارشىلار، ال 159،5 ملن تەڭگەنى سۋبسيديا رەتىندە اگروساقتاندىرۋ سالاسىنداعى وپەراتور - اۋىل شارۋاشىلىعىن قارجىلاي قولداۋ قورى تولەدى.