اۋا رايىنىڭ بۇنداي قۇبىلىسى ايماقتا وتە سيرەك كەزدەسەدى
ەگيپەت استاناسى كاير مەن تاعى بىرنەشە پروۆينسيادا قار ارالاس بۇرشاق پەن جاۋىن-شاشىن بولدى، دەپ حابارلايدى Almaty-akshamy.kz. بۇل تۋرالى «حابار 24» جازدى.
اۋا رايىنىڭ بۇنداي قۇبىلىسى ايماقتا وتە سيرەك كەزدەسەدى. باستاپقىدا توپەلەپ جاۋعان جاۋىن تاسقىنعا ۇلاستى. سالدارىنان كوشە جولدارى سۋ استىندا قالدى. كەيىن قار ارالاس بۇرشاق جاۋعان. سينوپتيكتەردىڭ ايتۋىنشا، كەي وڭىرلەردە كۇن ءالى دە كۇركىرەپ جاتىر.
اقپارات كوزدەرى اۋا رايىنىڭ كۇرت وزگەرگەنىنە قاراماستان، كايردىڭ حالىقارالىق اۋەجايى قالىپتى رەجيمدە جۇمىس ىستەپ جاتقانىن حابارلادى. الايدا ايماقتاعى توتەنشە جاعداي قىزمەتىنىڭ ماماندارى كۇشەيتىلگەن رەجيمگە كوشتى.