قازاقستاندا باۋ-باقشا شارۋاشىلىعىن، وتاندىق الما ءوندىرىسىن دامىتۋ ءۇشىن سۋبسيديالار، جەڭىلدىكتى كرەديت بەرۋ تۇرىندە مەملەكەتتىك قولداۋ شارالارى قابىلدانۋدا.
قابىلدانعان شارالاردىڭ ناتيجەسىندە سوڭعى 5 جىلدا الما بويىنشا قامتاماسىز ەتۋ 62،9%-دان (2019 ج.) 80% -عا (2023 ج.) دەيىن ءوستى، دەپ حابارلايدى aqshamnews.kz اشم باسپا ءسوز قىزمەتىنە سىلتەمە جاساپ.
سونىمەن قاتار، فەرمەرلەر يمپورتتىق وندىرۋشىلەر تاراپىنان دەمپينگكە ۇشىراۋدا، جوعارى باسەكەلەستتىك يمپورتتىق ءونىم وتاندىق وندىرۋشىلەردىڭ رەنتابەلدىلىگىن تومەندەتەدى.
ەگىن جيناۋ كەزىندە الما يمپورتى قاتار بولعاندا قازاقستاندىق باعباندار ءونىمدى وتكىزۋدە قيىندىقتارعا تاپ بولادى، بۇل ولاردىڭ قارجىلىق جاعدايىن ناشارلاتادى.
2024 جىلدىڭ 7 ايىندا شامامەن 107، 3 مىڭ توننا الما يمپورتتالدى (2023 جىلدىڭ وسىنداي كەزەڭىمەن سالىستىرعاندا 58% -عا ءوستى). نەگىزگى يمپورت پولشا، يران، وزبەكستان، قحر-دان جۇزەگە اسىرىلادى. بۇل رەتتە يمپورتتىڭ ءوسۋى قىتايدان يمپورتتىڭ 18 ەسە جانە يراننان 7 ەسە يمپورتتىق وسۋىمەن بايلانىستى.
وسىعان بايلانىستى، وتاندىق الما ءوندىرىسىن قولداۋ جانە وتاندىق ءونىمدى وتكىزۋدى قامتاماسىز ەتۋ ماقساتىندا سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيا 2024 جىلعى 31 جەلتوقسانعا دەيىن اۆتوموبيل كولىگىمەن ءۇشىنشى ەلدەردەن الما (سەقتن كودى: 080810) اكەلۋگە تىيىم سالۋدى ەنگىزۋدى ماقۇلدادى.
الما اكەلۋگە تىيىم سالۋ تەك ەگىن جيناۋ كەزەڭىندە عانا ەنگىزىلگەن، بۇل وتاندىق باعباندارعا جينالعان ءونىمدى ساقتاۋعا جانە ونى قولايلى باعامەن ساتۋعا مۇمكىندىك بەرەدى. ماۋسىمارالىق كەزەڭدە الما يمپورتى شەكتەلمەيدى.
شەكتەۋ ەاەو-عا مۇشە مەملەكەتتەردەن الما اكەلۋگە جانە قازاقستان اۋماعى ارقىلى حالىقارالىق الما ترانزيتىنە اسەر ەتپەيدى.
بۇيرىق 2024 جىلعى 8 قازاندا كۇشىنە ەندى.
بۇيرىقپەن كەلەسى سىلتەمە بويىنشا تانىسۋعا بولادى: https://zan.gov.kz/client/#!/doc/201409/kaz.