الماتىدا قبتۋ الاڭىندا "بولاشاق ءبىلىم بەرۋ – ەكوجۇيە، تەحنولوگيا، ادام" تاقىرىبىندا EDUFEST-2026 كونفەرەنسياسى ءوتتى. بۇل كونفەرەنسيا ءبىلىم بەرۋدى بالاباقشادان باستاپ جوو-عا دەيىن ءبىرتۇتاس ەكوجۇيە رەتىندە قاراستىرۋعا باسىمدىق بەرەدى. ءىس-شارادا نە تالقىلاندى؟ ماتەريالدان ءبىلىڭىز.
سەرىكتەستىك وزەگى: بىلىمگە سالىنعان ۇزاقمەرزىمدى ينۆەستيسيا
EDUFEST-2026 اياسىندا Halyk قورى ءبىلىم بەرۋدى قولداۋدى جاس قازاقستاندىقتاردىڭ بولاشاعىنا سالىنعان ناقتى ينۆەستيسيا رەتىندە قاراستىراتىنىن اتاپ ءوتتى. قور ديرەكتورى ساعىنبەك شۇنكەيەۆتىڭ ايتۋىنشا، ادام كاپيتالىن دامىتۋ وقىتۋشىدان باستالادى جانە ءدال وسى سەبەپتى قور پەداگوگتەر قۇرامىن دامىتۋعا ەرەكشە ءمان بەرەدى.
"ءبىز EDUFEST-2026-عا قولداۋ كورسەتەمىز، ويتكەنى ادام كاپيتالىن دامىتۋ وقىتۋشىدان باستالادى. زاماناۋي ءبىلىم بەرۋ پراكتيكاسى مەن تەحنولوگياسىنىڭ بارلىق وڭىردەگى پەداگوگتار مەن باسقارۋشى كوماندالارعا قولجەتىمدى بولۋى ماڭىزدى"، – دەدى قور وكىلى.
وڭىرلەرگە قولجەتىمدى زاماناۋي پراكتيكا
كونفەرەنسيا مازمۇنى تەك ترەندتەگى تاقىرىپتاردى تالقىلاپ قانا قويماي، جي مەن EdTech قۇرالدارىن جاۋاپكەرشىلىكپەن ەنگىزۋدىڭ ناقتى سەنارييلەرىن ۇسىنۋعا قۇرىلدى. ۇيىمداستىرۋشىلاردىڭ ءبىرى – NNEF قق ءبىلىم ءبولىمىنىڭ باسشىسى ماريا كوۆجاساروۆا EDUFESTء-تى "بالاباقشا–مەكتەپ–كوللەدج–جوو" اراسىنداعى ساباقتاستىقتى جۇيەلەيتىن پراكتيكالىق الاڭ رەتىندە سيپاتتادى. ونىڭ پىكىرىنشە، تەحنولوگيا پەداگوگتىڭ جۇمىسىن جەڭىلدەتىپ، ەڭ باستى قۇندىلىققا – ءار بالانىڭ الەۋەتىن اشۋعا قىزمەت ەتۋگە ءتيىس.
ۋنيۆەرسيتەت الاڭى – قوعامعا اشىق ديالوگ كەڭىستىگى
قبتۋ تاراپىنان فورۋم ۋنيۆەرسيتەتتىڭ اشىق قوعامدىق ينستيتۋت رەتىندەگى ميسسياسىن جالعاستىرىپ وتىرعانى ايتىلدى. "قبتۋ" اق الەۋمەتتىك جانە تاربيە ماسەلەلەرى جونىندەگى پرورەكتوردىڭ م.ا. ءسابيت سۇلتانوۆ ءبىلىم بەرۋ قوعام دامۋىنىڭ ستراتەگيالىق رەسۋرسى ەكەنىن اتاپ ءوتىپ، EDUFESTء-تىڭ مەكتەپ پەن جوعارى ءبىلىم، ءارى ءومىر بويى وقۋ اراسىنداعى بايلانىستاردى نىعايتاتىن ورتاعا اينالعانىن جەتكىزدى.
جي: مۇمكىندىكپەن قاتار جاۋاپكەرشىلىك تە بار
پانەلدىك پىكىرتالاستاردىڭ وزەگىندە جي قۇرالدارىن ەنگىزۋدىڭ پايداسى مەن تاۋەكەلى، اكادەميالىق ادالدىق جانە ۇزاقمەرزىمدى سالدار ماسەلەلەرى كوتەرىلدى. سپيكەرلەردىڭ ايتۋىنشا، مەكتەپ دەڭگەيىندە تەحنولوگيانى ەنگىزۋ "نە ەنگىزەمىز؟" دەگەننەن بۇرىن، "قالاي ەنگىزەمىز؟" دەگەن سۇراققا تىرەلەدى. وسى تۇستا EDUFESTء-تىڭ قۇندىلىعى — شەشىمدەردى تەوريامەن ەمەس، تاجىريبەلىك كەيستەرمەن كورسەتۋىندە بولدى.
“ايماقتارعا بىردەي قولجەتىمدىلىك” قاعيداسى
EDUFEST-2026-نىڭ باستى ەرەكشەلىكتەرىنىڭ ءبىرى – ءبىلىم بەرۋ تەحنولوگيالارى مەن زاماناۋي ادىستەمەلەردىڭ تەك مەگاپوليستە ەمەس، بارلىق وڭىردەگى پەداگوگتەر مەن باسقارۋ كوماندالارىنا بىردەي جەتۋى كەرەگىنە ءمان بەرىلۋىندە بولدى. بۇل يدەيا Halyk قورىنىڭ سەرىكتەستىك ۇستانىمىمەن تىكەلەي قابىسادى: قور قولداۋى فورۋمدى ءبىر كۇندىك ءىس-شارادان جۇيەلى اسەرى بار كاسىبي پلاتفورماعا اينالدىرۋدى كوزدەيدى.
ىس-تاجىريبە، دەموزونا جانە EduDebate: تەوريادان ناتيجە شىعارۋعا دەيىن
كونفەرەنسيا باعدارلاماسى پراكتيكالىق فورماتتارعا قۇرىلعان: keynote باياندامالار، EdTalks پانەلدەرى، ينتەراكتيۆتى سەسسيالار، فاسيليتاسيالانعان تالقىلاۋلار، EdTech دەموزونالار، VR/AR ايماقتارى جانە ستۋدەنتتىك EduDebate دەباتتارى. بۇل ءتاسىل پەداگوگتەرگە دايىن "رەسەپت" ەمەس، ءوز مەكتەبى/ۇجىمىنا بەيىمدەۋگە بولاتىن ناقتى قۇرالدار مەن سەنارييلەر ۇسىنۋعا باعىتتالعان.
EDUFEST-2026 نە ءۇشىن ماڭىزدى؟
EDUFEST-2026 — ءبىلىم بەرۋدىڭ بولاشاعىن تەك تەحنولوگيا ارقىلى ەمەس، ادام كاپيتالىنىڭ ساپاسى ارقىلى ولشەيتىن ديالوگ الاڭى. بۇل جەردە Halyk قورىنىڭ سەرىكتەستىگى شەشۋشى مانگە يە: قارجىلىق دەمەۋشىلىك قانا ەمەس، ۇلتتىق دەڭگەيدەگى ادامي الەۋەتتى كۇشەيتۋگە باعىتتالعان ۇزاقمەرزىمدى كوزقاراس كورىنىس تاپتى.
ايتا كەتەيىك، شارا NNEF قوعامدىق قورى، قبتۋ جانە MIRAS حالىقارالىق مەكتەپتەرىنىڭ ۇيىمداستىرۋىمەن ءوتتى. باس سەرىكتەس – تيمۋر قۇلىبايەۆتىڭ Halyk قايىرىمدىلىق قورى.