ەكسپورت 98%-عا وسكەن
ەاەو قۇرىلعاننان بەرگى جىلدارى قازاقستاننىڭ باسقا قاتىسۋشى ەلدەرمەن ساۋدا اينالىمى 74%-عا وسكەن، بۇل رەتتە ەكسپورت 98%-عا ارتقان. بۇل تۋرالى مەملەكەت باسشىسى قاسىم-جومارت توقايەۆ جوعارى ەۋرازيالىق ەكونوميكالىق كەڭەس وتىرىسىندا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
پرەزيدەنت گەوساياسي شيەلەنىستەر بۇكىل الەمدەگى ەكونوميكالىق جاعدايعا ايتارلىقتاي اسەر ەتىپ جاتقانىن ايتتى.
«بيىل حالىقارالىق قارجى ينستيتۋتتارى الەمدىك ەكونوميكانىڭ ءوسۋ بولجامدارىن شامامەن ەكى ەسەگە جۋىق تومەندەتتى. الايدا، سىرتقى فاكتورلاردىڭ قىسىمىنا قاراماستان، ءبىزدىڭ ەۋرازيالىق ەكونوميكالىق وداق شەڭبەرىندەگى ىنتىماقتاستىعىمىز وڭ سەرپىن كورسەتىپ وتىر. قاتىسۋشى ەلدەر ماكروەكونوميكالىق تۇراقتىلىقتى ساقتاۋدا، ەكونوميكالىق ءوسۋ قارقىنىن جانە ءوزارا ساۋدا كولەمىن ارتتىرىپ جاتىر. ءوز تاراپىمنان ەاەو قىزمەتى جىلدارى قازاقستاننىڭ باسقا قاتىسۋشى ەلدەرمەن ساۋدا اينالىمى 74%-عا وسكەنىن، بۇل رەتتە ەكسپورت 98%-عا وسكەنىن اتاپ وتەمىن. ءبىز مۇنى جاقسى كورسەتكىش دەپ سانايمىز»، - دەدى قاسىم-جومارت توقايەۆ.
پرەزيدەنتتىڭ ايتۋىنشا، اۋقىمدى بىرلەسكەن ينفراقۇرىلىمدىق جوبالار ىسكە اسىرىلۋدا، ونەركاسىپتىك كووپەراسيا دامىپ، قىزمەتتەردىڭ ورتاق نارىعى قالىپتاسىپ، ءوزارا ەسەپ ايىرىسۋدا ۇلتتىق ۆاليۋتالار ۇلەسى ارتىپ كەلەدى.
«بۇل رەتتە قازىرگى گەوەكونوميكالىق جاعدايلاردا وداقتىڭ الەۋەتىن بارىنشا تولىق جانە ءتيىمدى اشۋ – ءبىزدىڭ ورتاق باسىمدىعىمىز بولدى. ونى قۇرعان كەزدە قويىلعان بارلىق مىندەتتەردى مۇمكىندىگىنشە تولىق ىسكە اسىرۋىمىز كەرەك. شىنىن ايتقاندا، الدا كوپ جۇمىس بار. ەڭ الدىمەن، ءتورت ەركىندىكتىڭ ءبىرىنشىسىن – تاۋارلاردىڭ ەركىن قوزعالىسىن تولىققاندى جۇزەگە اسىرۋ جونىندە ايتىپ وتىرمىز. بۇل ءبىرىڭعاي، ەش كەدەرگىسىز نارىقتى قالىپتاستىرۋ جانە تاۋارلاردىڭ ءۇشىنشى ەلدەرگە ەركىن ءترانزيتىن قامتاماسىز ەتۋدى بىلدىرەدى. وسى ماقساتتارعا تولىق قول جەتكىزۋ ۇكىمەتتەر مەن ەۋرازيالىق ەكونوميكالىق كوميسسيا جۇمىسىنىڭ نەگىزگى باعىتى بولۋعا ءتيىس دەپ سانايمىن»، - دەدى مەملەكەت باسشىسى.