تاراپتار اراسىنداعى تاريفتىك مامىلەنىڭ پارامەترلەرىن تالقىلادى
تەگەران قالاسىندا ەاەو-عا مۇشە مەملەكەتتەر مەن يران يسلام رەسپۋبليكاسى اراسىندا ەركىن ساۋدا تۋرالى كەلىسىم جاساسۋ جونىندەگى كەلىسسوزدەردىڭ 6-راۋندى ءوتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
كەلىسسوزدەرگە قازاقستان تاراپىنان ساۋدا جانە ينتەگراسيا جانە سىرتقى ىستەر مينيسترلىگىنىڭ وكىلدەرى قاتىسۋدا. ەاەو دەلەگاسياسىنىڭ قۇرامىندا قاتىسۋشىلار قۇجاتتىڭ مازمۇنىن جانە مۇددەلى تاراپتار اراسىنداعى تاريفتىك مامىلەنىڭ پارامەترلەرىن تالقىلادى.
ەاەو-عا مۇشە مەملەكەتتەر مەن يران اراسىندا ەركىن ساۋدا ايماعىن قالىپتاستىرۋ جانە تاۋارلاردىڭ كوپتەگەن تۇرلەرىنىڭ باجسىز ساۋداسى ءۇشىن جاعدايلار جاسالۋى مۇمكىن.
كەزەكتى راۋندتىڭ قورىتىندىسى بويىنشا تاراپتار ەكى ەلدىڭ نارىقتارىنا قول جەتكىزۋدىڭ ءوزارا ءتيىمدى شارتتارىن قامتاماسىز ەتۋ ءۇشىن تاريفتىك ءبولىمدى وڭتايلاندىرۋدى قوسا العاندا، كەلىسىمنىڭ مازمۇنىن پىسىقتاۋدى جالعاستىرۋعا ۋاعدالاستى.