2023 جىلى جۇمىسىن باستايدى
25-26 تامىزدا چولپون-اتادا وتكەن ەۋرازيالىق ۇكىمەتارالىق كەڭەستىڭ وتىرىسىندا ەاەو ەلدەرىنىڭ ۇكىمەت باسشىلارى ەۋرازيالىق قايتا ساقتاندىرۋ كومپانياسىن (ەسك) قۇرۋ تۋرالى كەلىسىم بويىنشا جۇمىستاردىڭ اياقتالعانىن مالىمدەدى، دەپ حابارلايدى Almaty-akshamy.kz
ەۋرازيالىق ەكونوميكالىق كوميسسيانىڭ باسپا ءسوز قىزمەتىنە سىلتەمە جاساپ.
ەسك ءوزارا جانە سىرتقى ساۋدانى ىنتالاندىرۋعا، سونداي-اق ەاەو اۋماعىندا ساقتاندىرۋ الەۋەتىن جانە كاسىبي تاۋەكەلدەردى باسقارۋدى ارتتىرۋ ارقىلى بىرلەسكەن ىنتىماقتاستىق جوبالارىن ىسكە اسىرۋعا ارنالعان حالىقارالىق قارجى ۇيىمى مارتەبەسىن الادى.
كومپانيا وداق مەملەكەتتەرى مەن ءۇشىنشى ەلدەردەگى ىسكەرلىك جانە ساياسي تاۋەكەلدەردەن ەكسپورتتىق نەسيەلەر مەن ينۆەستيسيالاردى قايتا ساقتاندىراتىن ۇلتتىق ساقتاندىرۋ اگەنتتىكتەرىنىڭ قىزمەتىن جوعارى دەڭگەيدە تولىقتىراتىن بولادى.
EسK جارعىلىق كاپيتالى مۇشە مەملەكەتتەردىڭ جارنالارى ەسەبىنەن قۇرىلادى جانە 15 ميلليارد رەسەي ءرۋبلىن قۇرايدى. الەۋەتتى ساقتاندىرۋ سىيىمدىلىعى –2 ملرد اقش دوللارىنا دەيىن.
ەسك 2023 جىلى جۇمىسىن باستايدى جانە ەاەو-عا مۇشە ەمەس باسقا مەملەكەتتەر مەن حالىقارالىق قارجى ۇيىمدارىنىڭ كىرۋى ءۇشىن اشىق بولادى دەپ جوسپارلانىپ وتىر.