وداق وندىرۋشىلەرىنىڭ باسەكەگە قابىلەتتىلىگىن ساقتاۋعا مۇمكىندىك بەرەدى
ەۋرازيالىق ەكونوميكالىق كوميسسيا القاسىنىڭ وتىرىسىندا ەۋرازيالىق ەكونوميكالىق وداق مەملەكەتتەرىنىڭ ونەركاسىپ ونىمدەرىن ءۇشىنشى ەلدەردىڭ نارىعىنا ىلگەرىلەتۋ جونىندەگى قوسىمشا ءىس-شارالار تىزبەسى قابىلداندى. بۇل تۋرالى Almaty-akshamy.kz ەەك باسپا ءسوز قىزمەتىنە سىلتەمە جاساپ.
«ەاەو-دا ەكسپورت ءۇشىن زاماناۋي سىناق بازاسىن ۇلعايتۋ - ءبىزدىڭ وندىرۋشىلەردىڭ سىرتقى نارىقتاعى ەكسپورتتىق قىزمەتىنىڭ ناتيجەلىلىگى شەشىلۋىنە بايلانىستى وزەكتى مىندەتتەردىڭ ءبىرى. بۇل ءۇشىنشى ەلدەردەگى سەرتيفيكاتتاۋ شىعىندارىن ازايتۋعا جانە اعىمداعى ەكونوميكالىق جاعدايدا وداق وندىرۋشىلەرىنىڭ باسەكەگە قابىلەتتىلىگىن ساقتاۋعا مۇمكىندىك بەرەدى»، - دەپ اتاپ ءوتتى ەەك ونەركاسىپ جانە اگروونەركاسىپ كەشەنى ءمينيسترى ارتاك كاماليان.
ەەك القاسى قابىلداعان ۇسىنىس ەاەو ەلدەرىنىڭ سالالىق جانە ەكسپورتتىق باسىمدىقتارىن ەسكەرە وتىرىپ، ونەركاسىپ ءونىمىن جەتكىزۋدىڭ پەرسپەكتيۆالىق باعىتتارى تۋرالى سەرتيفيكاتتاۋشى ۇيىمداردى حاباردار ەتۋگە كومەكتەسەدى، سونداي-اق وداقتا ەكسپورتتى قولداۋدىڭ جاڭا تەتىكتەرىن دامىتۋعا ىقپال ەتەدى.
«وسى ۇسىنىس ەاەو ونەركاسىپ سالاسىنىڭ ەكسپورتتىق الەۋەتى تۇرعىسىنان وداق ەلدەرىنىڭ سىناق زەرتحانالارى ءۇشىن ماركەتينگتىك اقپارات سانالادى. وسى قۇجاتتى قابىلداۋ ارقىلى ولارعا ءبىرقاتار ماسەلەلەر بويىنشا، مىسالى، قاي اككرەديتتەلگەن سەرتيفيكاتتاۋشى ۇيىمدارمەن جانە قانداي ناقتى تاۋار بويىنشا سىناق قىزمەتتەرىن كورسەتۋ تۋرالى شارتتار جاساسۋ تۇرعىسىنان كەلىسسوزدەر جۇرگىزۋ ورىندى بولادى»، - دەپ قورىتىندىلادى ارتاك كاماليان.