سايلاۋ ساياسي ناۋقان بولىپ تابىلادى. ءبىراق پرەزيدەنت سايلاۋى تۋرالى ءسوز بولعاندا، مۇنىڭ ساياسي اۋقىمى، ەلدىك مۇراتى، حالىقتىق قاسيەتى بارىنشا كەڭ اۋقىمعا اينالادى. ويتكەنى حالىق قاشاندا ءادىل سايلاۋ مەن ادىلەتتى سەنىمگە يەك ارتقان. سول ارقىلى ءوزىنىڭ دە بولاشاق بايانىنا سەنىمدىلىك تۇعىرىن ورنىقتىرعان. 2022 جىلدىڭ 1 قىركۇيەگىندە مەملەكەت باسشىسى قاسىم-جومارت توقايەۆ بيىل كۇزدە كەزەكتەن تىس پرەزيدەنت سايلاۋى وتەتىنىن مالىمدەدى.
«مەن بيىلعى كۇزدە كەزەكتەن تىس پرەزيدەنت سايلاۋىن وتكىزۋدى ۇسىنامىن. ادىلەتتى قازاقستاندى قۇرۋ جولىندا تۇبەگەيلى جانە جان-جاقتى رەفورمالاردى تابىستى جۇزەگە اسىرۋ ءۇشىن حالىقتىڭ جاڭا سەنىم مانداتى قاجەت. مەن ءۇشىن مەملەكەت مۇددەسى بارىنەن بيىك. سوندىقتان مەن وكىلەتتىك مەرزىمىمدى قىسقارتۋعا جانە كەزەكتەن تىس پرەزيدەنت سايلاۋىنا بارۋعا دايىنمىن»، - دەدى پرەزيدەنت قازاقستان حالقىنا جولداۋىندا.
پرەزيدەنتتiككە كىم كانديدات بولا الاتىنى جايلى توقتالا كەتسەك، كونستيتۋسياعا سايكەس، قازاقستان پرەزيدەنتى بولىپ تۋمىسىنان رەسپۋبليكا ازاماتى بولىپ تابىلاتىن، 40 جاسقا تولعان، مەملەكەتتىك ءتىلدى ەركىن مەڭگەرگەن، قازاقستاندا سوڭعى 15 جىل بويى تۇراتىن جانە جوعارى ءبىلىمى بار رەسپۋبليكا ازاماتى سايلانا الادى. ودان بولەك، «سايلاۋ تۋرالى» كونستيتۋسيالىق زاڭ بويىنشا، مەملەكەتتىك قىزمەتتە نەمەسە سايلانبالى مەملەكەتتىك لاۋازىمداردا كەمىندە 5 جىلدى قۇرايتىن جۇمىس تاجىريبەسى بولۋى، سونداي-اق بەلسەندi سايلاۋ قۇقىعىنا يە بولۋى تيiس.
سايلاۋ مەرزىمىنە توقتالا كەتەتىن بولساق، ەل پرەزيدەنتىن جالپىعا بىردەي، تەڭ جانە توتە سايلاۋ قۇقىعى نەگىزىندە رەسپۋبليكانىڭ كامەلەتكە تولعان ازاماتتارى جاسىرىن داۋىس بەرۋ ارقىلى بەس جىل مەرزىمگە سايلايدى. الايدا جۋىردا قاسىم-جومارت توقايەۆ پرەزيدەنت مانداتىن 7 جىلدىق ءبىر مەرزىممەن شەكتەۋدى ۇسىندى. ياعني قايتا سايلانۋعا تىيىم سالىنادى.
بيىل بىزدە 6 ۇمىتكەر بار: توقايەۆ قاسىم-جومارت كەمەل ۇلى، قاجىكەن مەيرام زەكەش ۇلى، دايرابايەۆ جيگۋلي مولداحالىق ۇلى، ابدەن قاراكات جاقسىلىق قىزى، تۇرسىنبەكوۆا سالتانات پارحات قىزى، اۋەسبايەۆ نۇرلان ساتىبالدى ۇلى.
جەڭىمپاز داۋىس بەرۋگە قاتىسقان سايلاۋشىلاردىڭ 50%-نان استامىنىڭ داۋىسىن العان كانديدات سايلاندى دەپ ەسەپتەلەدى. ەگەر كانديداتتاردىڭ بىردە-بىرى كورسەتىلگەن داۋىس سانىن الا الماسا، قايتادان داۋىسقا سالىنادى، وعان كوپ داۋىس العان ەكى كانديدات قاتىسادى. داۋىس بەرۋگە قاتىسقان سايلاۋشىلاردىڭ ەڭ كوپ داۋىسىن العان كانديدات سايلاندى دەپ ەسەپتەلەدى.
پرەزيدەنتتىڭ ق.-ج. توقايەۆتىڭ كەزەكتەن تىس سايلاۋ وتقىزۋەىنىڭ سەبەبى نەدە دەگەن سۇراق كوپشىلىكتىڭ كوكەيىندە جۇرگەنى جاسىرىڭ ەمەس. وعان ءارتۇرلى پىكىر بار قوعامدا. سونىڭ ءبىرى، كوپشىلىككە ءمالام، ءوزىنىڭ بيىلعى حالىققا جولداۋىندا پرەزيدەنت قازىرگى جاعدايدا قازاقستاندىق ەكونوميكانىڭ دامۋ باعىتى مەن ساپاسىن تۇبەگەيلى وزگەرتۋ مىندەتتەرىن بەلگىلەدى. وسى ماقساتتا اتالعان الەۋمەتتىك-ەكونوميكالىق رەفورمالاردى ناتيجەلى ءوتۋى ماقساتىندا ەلدە 2022 جىلدىڭ 5 ماۋسىمىندا رەسپۋبليكالىق رەفەرەندۋم ءوتتى.
كەزەكتەن تىس سايلاۋدىڭ حالىق ءادىل وتكەنىن قالايدى، ال جاڭا پرەزيدەنتتەن ەلىمىزدىڭ كوركەيىپ دامۋىن، ءال-اۋقىتىمىزدىڭ كوتەرىلۋىن كۇتەدى. قازىرگى پرەزيدەنتىمىز قاسىم-جومارت توقايەۆ مىرزانىڭ جاساپ جاتقان ساياساتى حالىققا ۇنايدى، ەگەر سايلاۋدا قاسىم-جومارت توقايەۆ كەمەل ۇلى جەڭەتىن بولسا، وندا حالىق قازىرگى ساياساتتىڭ ءارى قاراي جالعاسا بەرگەنىن قالايدى. پرەزيدەنتتىك سايلاۋ ءار قاشان ەلىمىز ءۇشىن تاريحي ءسات بولىپ قالادى. تاريحي ساتتە تاڭداۋلى كەزەڭدى ۇلكەن ۇمىتپەن كۇتىپ، وسى جولدا ازاماتتىق داۋسىمىزدى اشىق بىلدىرەيىك! بۇل سايلاۋ ءاربىر قازاقستاندىققا ۇلكەن جاۋاپكەرشىلىك، ازاماتتىق بورىش بولىپ سانالادى. مەملەكەت دامۋىندا مەملەكەتتىك قىزمەت جۇيەسىندە ۇزاق جىلداردان بەرى كەلە جاتقاندا بايقالعان ءبىر اقيقات: پرەزيدەنت سايلاۋى - ەلدىڭ بولاشاعى. ەل بولاشاعى - تۇلعانىڭ قولىندا، تۇلعانىڭ بولاشاعى – ەلدىڭ جولىندا!