ەرلەر اراسىندا 81 كەلىدە ب ا ق سىنايتىن ابىلايحان جۇبانازار جارتىلاي فينالدا وڭتۇستىك كورەيا وكىلى لي دجۋن حۆاننان جەڭىلىپ، قولاعا كۇرەسۋ مۇمكىندىگىن الدى.
ال قىزدار اراسىندا 63 كەلىدە سىنعا تۇسكەن ەسميگۋل كۋيۋلوۆا جاپون سپورتشىسىنان ۇتىلعان سوڭ، جۇبانىش بەلدەسۋىندە ۇندىلىك سپورتشىنى جەڭدى، دەپ حابارلايدى Almaty-akshamy.kz ۇلتتىق وليمپيادا كوميتەتىنە سىلتەمە جاساپ.
بۇگىن تاتاميگە شىققان باسقا سپورتشىلارىمىز جۇلدەگە جاقىنداي العان جوق. ولاردىڭ قاتارىندا بىلتىرعى ازيا چەمپيونى دانيار شامشايەۆ تا بار.
كەشەگى جارىس كۇنىندە قازاقستان قورجىنىنا ەكى قولا مەدال ءتۇستى. ونىڭ ءبىرىن عاليا تىنبايەۆا (48 كەلى)، ەكىنشىسىن جانارىس راحمەتقالي (66 كەلى) ەنشىلەدى.