14-15 جەلتوقسان ارالىعىندا تۇركيانىڭ ستامبۋل قالاسىندا دزيۋدو ەرەجەلەرىنە وزگەرىس ەنگىزۋ بويىنشا تەحنيكالىق سەمينار ءوتتى، دەپ حابارلايدى aqshamnews.kz
حالىقارالىق دزيۋدو فەدەراسياسى (IJF) جاڭا وليمپيادالىق ماۋسىمعا ارنالعان ەرەجەلەردىڭ جاڭارتىلعان نۇسقاسىن جاريالادى. olympic.kz سايتىنىڭ حابارلاۋىنشا دزيۋدودا مىناداي جاڭا ەرەجەلەر بەكىتىلدى: «يۋكو» ۇپاي:
5-9 سەكۋند ۇستاپ تۇرۋ ءۇشىن بەرىلەدى.
سونداي-اق، قارسىلاس بۇكىل ارقاسىنا ەمەس، تەك جامباسقا، بۇيىرگە نەمەسە جاۋىرىنعا (90 گرادۋس بۇرىشپەن) تۇسكەن جاعدايدا بەرىلۋى مۇمكىن. «حانسوكۋ ماكە» جويىلدى:
شابۋىل نەمەسە قورعانىس كەزىندە قارسىلاستىڭ باسىن پايدالانعانى ءۇشىن ەرەسەكتەر جازالانبايدى.
ءبىراق 18 جاسقا دەيىنگى سپورتشىلار ءۇشىن بۇل «شيدو» رەتىندە ەسەپتەلەدى.
بەلدەن تومەن ۇستاپ شابۋىل جاساۋ:
دزيۋدوگيدى جامباس دەڭگەيىنە دەيىنگى ىشكى بەتتەن ۇستاۋعا رۇقسات ەتىلگەن.
الايدا، قارسىلاستىڭ شابۋىلىن قايتارۋ كەزىندە مۇنداي ارەكەتتەر جازالانادى.
اياق پەن شالباردى ۇستاۋعا بۇرىنعىداي تىيىم سالىنعان. جاڭا رۇقساتتار:
تۇرىستا جانە نە-ۆازادا جەڭنىڭ ىشكى جاعىنان ۇستاۋ مۇمكىندىگى.
«ايۋشا ۇستاۋ» (قولداردى قۇلىپتاماۋ شارتىمەن).
«ريەۆەرس سەوي-ناگە» تەحنيكاسى.
تاتاميدەن تىس ارەكەتتەر:
ەگەر دزيۋدوشى كەزدەيسوق كىلەمنەن شىعىپ كەتسە، «شيدو» بەرىلمەيدى.
شابۋىل جاساۋعا رۇقسات ەتىلەدى، ەگەر سپورتشىنىڭ ءبىر اياعى جۇمىس ايماعىندا بولسا.
«شيدو» تەك ادەيى شىعۋ نەمەسە قارسىلاسىن ايقىن يتەرىپ جىبەرۋ كەزىندە بەرىلەدى. شابۋىلعا دايىندىق ۋاقىتى:
ەندى شابۋىل جاساۋعا 30 سەكۋند بەرىلەدى.
پارتەردەگى ارەكەتتەر:
تورەشىلەر پارتەردەگى كەز كەلگەن بەلسەندى ارەكەتتى ەسكەرەدى.