دۇنيەجۇزىلىك دەنساۋلىق ساقتاۋ ۇيىمىنىڭ باسشىسى: پاندەميا ءازىر اياقتالمايدى

ۆاكسينالار ءالى دە اۋرۋدىڭ اۋىر زيانى مەن ولىمنەن كۇشتى قورعانىس بەرەدى.

دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) باسشىسى "Omicron" شتامىنىڭ تەز تارالۋى مەن ينفەكسيالاردىڭ رەكوردتىق سانىن ەسكەرە وتىرىپ، COVID-19 پاندەمياسى «اياقتالعان جوق» دەدى، دەپ حابارلايدى Almaty-akshamy.kz

تەدروس ادحانوم گەبرەيۋس 18 قاڭتار كۇنى  باسقا شتامداردى جۇقتىرعاننان كەيىن "Omicron" جەڭىلىرەك بولىپ، ءقاۋىپ توندىرمەيدى دەگەن جاڭساق پىكىردەن اۋلاق بولىڭىزدار دەپ ەدى.

"وميكرون" قاتتى اۋىر بولماۋى مۇمكىن، ءبىراق بۇل جەڭىل اۋرۋ دەگەن اڭگىمە قاتە. قاتەلەسپەڭىز. "Omicron" اۋرۋحاناعا جاتقىزىپ قانا قويماي،  ولىمگە اكەلەدى، ءقازىردىڭ وزىندە اۋرۋحانالاردىڭ جۇكتەمەسى  شامادان تىس بولىپ تۇر»، - دەدى گەبرەيۋس ددۇ-نىڭ جەنيەۆاداعى شتاب-پاتەرىندە.

باسقا شتامداردان تەز جۇققىشتىعىمەن ەرەكشەلەنەتىن "Omicron" ءقازىر الەمنىڭ ءبىراق بولىگىنە تارالىپ كەتتى، برازيليادان باستاپ فرانسياعا دەيىنگى ەلدەر ينفەكسيا جۇقتىرۋ جونىنەن رەكوردتىق كورسەتكىشتەرگە جەتتى. دالەلدەر قازىرگى COVID-19 ۆاكسينالارىنىڭ "Omicron" ينفەكسياسىنىڭ الدىن الۋدا تيىمدىلىگى تومەن ەكەنىن كورسەتەدى، ءبىراق ۆاكسينالار ءالى دە اۋرۋدىڭ اۋىر زيانى مەن ولىمنەن كۇشتى قورعانىس بەرەدى.