بۇگىن ۆەنگريا استاناسىندا سۋ تاسقىنىنىڭ ەڭ جوعارى ءقاۋپى ساقتالادى دەگەن بولجام بار. بۋدا مەن پەشتانىڭ تومەنگى جاعالاۋلارى جابىلعان، دەپ حابارلايدى اlmaty-akshamy.kz
Euronews تاراتقان اقپاراتقا سۇيەنسەك، سۋ تاسقىنى ۆەنگرياداعى دۋناي وزەنىنىڭ بويىنداعى بارلىق اۋداندارعا اسەر ەتكەن.
اتالعان وزەننىڭ گەرمانيا مەن اۆسترياداعى بولىگىندە ايتارلىقتاي جاۋىن-شاشىن تىركەلمەگەن. سوڭعى بولجام بويىنشا وسى جەكسەنبىدە جاڭبىر مولىنان جاۋادى. دەسە دە، بۇل فاكتور سۋ تاسقىنىنا ايتارلىقتاي اسەر ەتپەۋگە ءتيىس.
«بولجام بويىنشا، دۋنايداعى سۋدىڭ كوتەرىلۋى موسكيتتەن ۆەنگريانىڭ وڭتۇستىك شەكاراسىنا دەيىن جەتەدى. بۋداپەشتتەگى سۋدىڭ ەڭ جوعارى دەڭگەيى سەنبىدە بولادى دەپ كۇتىلۋدە»، - دەدى ۇلتتىق سۋ رەسۋرستارى باس باسقارماسىنىڭ وكىلى گابريەلا شيكلوش.
بۋدا مەن پەشتانىڭ تومەنگى جاعالاۋلارى بەيسەنبىنىڭ كەشكى ۋاقىتىنان بەرى جابىق. ادەتتە دەمالىس كۇندەرى كولىك قوزعالىسىنا شەكتەۋ قويىلىپ، تەك جاياۋ جۇرگىنشىلەر جاعالاۋدا سەرۋەندەي الادى. دەسە دە، بۇل دەمالىستا جاياۋ جۇرگىنشىلەرگە دە جاعالاۋ جابىق بولادى.