بۇل تۋرالى قالا اكىمى ە. دوسايەۆ مەدەۋ اۋدانى تۇرعىندارىمەن كەزدەسۋىندە ايتتى، دەپ حابارلايدى اlmaty-akshamy.kz.
دەنساۋلىق سالاسىنداعى تۇيتكىلدى ماسەلەلەردى شەشۋ ءۇشىن مەدەۋ اۋدانىندا ءبىرقاتار جۇمىستار جۇرگىزىلۋدە. «كەڭساي» ىقشاماۋدانىندا اۋىسىمىنا 120 كەلۋشىگە ارنالعان جاڭا وتباسىلىق-دارىگەرلىك امبۋلاتوريا سالىنۋدا. اتالعان نىسان بيىلعى جىلدىڭ سوڭىنا دەيىن پايدالانۋعا بەرىلەدى. «الاتاۋ» ىقشاماۋدانىندا قالالىق اۋرۋحانانىڭ سەيسموتۇراقتىلىعىن كۇشەيتە وتىرىپ، كۇردەلى جوندەۋ جۇرگىزۋگە جوبالاۋ-سمەتالىق قۇجاتتاما (جسق) ازىرلەنەدى. جوبالاۋ-سمەتالىق قۇجاتتامانى اياقتاۋ 2023 جىلدىڭ III توقسانىنا جوسپارلانۋدا.
«دۋمان» ىقشاماۋدانىندا اۋىسىمىنا 500 ورىندىق جاڭا ەمحانا سالىنادى. قۇرىلىس-مونتاجداۋ جۇمىستارىن 2023 جىلدىڭ ءىىى توقسانىندا باستاۋ جوسپارلانىپ وتىر.
سونداي-اق، «گورنىي گيگانت» ىقشاماۋدانىندا بيىل اۋىسىمىنا 400 كەلۋشىگە ارنالعان ەمحاناسى جانە امبۋلاتوريالىق حيرۋرگيا ورتالىعى بار «Mediker Hospital International» جەكەمەنشىك كلينيكاسىنىڭ قۇرىلىسى اياقتالدى.